მოსამართლემ ბიძინა ივანიშვილის ადვოკატებს ადმინისტრაციულ სარჩელთან
დაკავშირებით დაყენებული ხუთი შუამდგომლობიდან ოთხი არ დაუკმაყოფილა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
პირWელის ცნობით, მათგან ორი შუამდგომლობით ადვოკატები საქმიდან მოსამართლის აცილებას ითხოვდნენ.
როგორც ადვოკატები განმარტავდნენ, "მათ გააჩნიათ საფუძვლიანი ეჭვი, რომ მოსამართლე ამ საქმეში ობიექტური არ არის".
"ჩვენს პოზიციას ის ფაქტი ამყარებს, რომ მოსამართლეს შინაგანი რწმენა უკვე ჩამოყალიბებული აქვს მოპასუხე მხარის მიმართ და ამასთან, არცერთი შუამდგომლობა, რომელიც ივანიშვილის ადვოკატებს საქმის სრულფასოვნად წარმართვაში დაეხმარებოდათ, მოსამართლემ არ დააკმაყოფილა. გარდა ამისა, აღნიშული ეჭვის საფუძველი მოგვცა იმ გარემოებამ, რომ სასამართლო პროცესის აუდიოჩანაწერის გაკეთების პროცესში მოსამართლე საკუთარ ხმას არ წერდა. აღნიშნულთან დაკავშირებით ჩვენს მიერ დასმულ კითხვაზე მოსამართლემ განაცხადა, რომ ამის უფლებას ინსტრუქცია აძლევს, მაგრამ ამ ინსტრუქციის დაკონკტერებისაგან თავი შეიკავა" - განუცხადეს "პირWელს" ადვოკატებმა.
რაც შეეხება თავად შუამდგომლობებს, ადვოკატებმა მოსამართლე შოთა გეწაძის აცილების გარდა, აუდიო- და ვიდეოჩაწერის ნებართვა ითხოვეს, რაზეც მოსამართლისგან უარი მიიღეს.
პროცესი სასამართლოში ამ წუთებშიც მიმდინარეობს. მოსარჩელე მხარემ საკუთარი ახსნა-განმარტება წარმოადგინა.
რაც შეეხება მოპასუხე მხარეს, ის მოსარჩელეთა პოზიციას არ ეთანხმება. როგორც საქართველოს პრეზიდენტის წარმომადგენელმა განმარტა, "სარჩელის დაკმაყოფილების არანაირი სამართლებლივი საფუძველი არ არსებობს".
Related Stories
