საქართველოს საგარეო საქმეთა მინისტრი გრიგოლ ვაშაძე ორდღიანი სამუშაო ვიზიტით დიდ ბრიტანეთში იმყოფება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
საგარეო საქმეთა სამინისტროს ინფორმაციით, ვიზიტის ფარგლებში დღეს გაიმართება მინისტრ გრიგოლ ვაშაძისა და გაერთიანებული სამეფოს საგარეო და თანამეგობრობის სახელმწიფო მდივნის უილიამ ჰეიგის შეხვედრა.
ასევე, დაგეგმილია გრიგოლ ვაშაძის შეხვედრები დიდი ბრიტანეთის ევროპულ საქმეთა სახელმწიფო მინისტრთან დევიდ ლიდინგტონთან, თემთა პალატის საგარეო ურთიერთობათა კომიტეტის თავმჯდომარესთან რიჩარდ ოტავეისთან, თავდაცვის კომიტეტის თავმჯდომარესთან ჯეიმს არბუტნოტთან, დაზვერვისა და უსაფრთხოების კომიტეტის თავმჯდომარესთან მალკომ რიფკინდთან, საქართველოს საკითხებზე მომუშავე ინტერპარტიული საპარლამენტო ჯგუფის თავმჯდომარესთან დენის მაკშეინთან და საგარეო საქმეთა ჩრდილოვან მდივანთან დაგლას ალექსანდერთან.
შეხვედრებზე განიხილება საქართველოსა და გაერთიანებულ სამეფოს შორის ორმხრივი და მრავალმხრივი ურთიერთობების ფართო სპექტრი.
ვიზიტის ფარგლებში, ასევე დაგეგმილია გრიგოლ ვაშაძის გამოსვლა დიდი ბრიტანეთის თავდაცვისა და უსაფრთხოების სწავლებათა სამეფო ინსტიტუტში.
მინისტრის ვიზიტის პარალელურად, ლონდონში გაიმართება ორმხრივი პოლიტიკური კონსულტაციები საქართველოსა და დიდი ბრიტანეთისა და ჩრდილოეთ ირლანდიის გაერთიანებული სამეფოს საგარეო საქმეთა სამინისტროებს შორის.
Related Stories
