"რესპუბლიკური პარტიის" ერთ-ერთი ლიდერის ლევან
ბერძენიშვილის ინფორმაციით, ბიძინა ივანიშვილის მოქალაქეობის საკითხი
მომავალი წლის იანვარ-თებერვალში ევროსაბჭოს საპარლამენტო ასამბლეის
პლენარულ სხდომაზე განიხილება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
პირWელის ცნობით, ამის შესახებ ბერძენიშვილმა დღეს ინტერნეტ-ტელევიზია "ITV"-ს მედია-კლუბში სტუმრობისას განაცხადა.
"რესპუბლიკური პარტია" ევროპის ლიბერალურ-დემოკრატიული და რეფორმების პარტიის სრულუფლებიანი წევრია. ამ პარტიის შეკრებაზე ჩვენი პარტიის ლიდერმა დავით უსუფაშვილმა ბიძინა ივანიშვილისთვის მოქალაქეობის ჩამორთმევის საკითხი დააყენა. ევროპელი პარტნიორები დაინტერესდნენ ჩვენი პრობლემებით და ევროკავშირის წარმომადგენლობას შეხვდნენ. შეხვედრაზე ითქვა, რომ აღნიშნული საკითხი ევროსაბჭოს საპარლამენტო ასამბლეის პლენარულ სხდომასა და ევროპარლამენტის მოსალოდნელ სხდომაზე შიდაპოლიტიკურ საკითხად იქნება ინიცირებული", - განაცხადა ბერძენიშვილმა.
მისივე თქმით, "ივანიშვილისთვის მოქალქეობის არაღდგენის შემთხევაში ისეთი პარტია შეიქმნება, რომელიც ბიზნესმენის იდეების გამტარებელი იქნება".
"ვიმედოვნებ, რომ ბიძინა იავანიშვილს მოქალქეობა და არჩევნებში მონაწილების უფლება მიეცემა. საქართველოს ხელისუფლება მოქალაქეობას ისე არიგებს, როგორც თავის დროზე ივანიშვილი - მოწყალებას. უცხოელი თუ ქართველო ექსპერტები თუ პოლიტოლოგები ერთმნიშვნელოვნად აცხადებენ, რომ ივანიშვილისთვის მოქალაქეობის ჩამორთმევა უკანონო იყო, მაგრამ თუ ხელისუფლება ამას არ გაითვალისწინებს და მსოფლიო ს თვალში "შეცდომაში გაჯიუტებას" აპირებს, გარწმუნებთ, რომ კანონის დარღვევის გარეშე სხვა საშუალება მოიძებნება და ივანიშვილი პოლიტიკურ ცხოვრებაში მაინც იქნება. შეიქმნება ისეთი პოარტია, რომელიც ივანიშვილის იდეების გამტარებელი იქნება. ხალხს არ შეეშლება, რომ მიხვდეს, თუ რომელი პარტია მოსწონს ივანიშვილს და არჩევნებშიც ის პარტია გაიმარჯვებს, რომელსაც ბიზნესმენის სიმპათია ექნება", - განაცხადა ბერძენიშვილმა.
მან იმედი გამოთქვა, რომ "ხელისუფლება შეცდომას არ დაუშვებს და ივანიშვილს მოქალაქეობას აღუდგენს, წინააღმდეგ შემთხევაში მას პრობლემა ხალხის დიდ ნაწილთან შეექმნება".
"ყველამ კარგად ვიცით, რომ ბიძინა ივანიშვილისთვის მოქალაქეობის აღდგენის მოთხოვნით ხემოწერები გროვდება და ხელმოწერათა რიცხვი მილიონამდე ავა. მილიონი ქართველი მზადაა, ივანიშვილს მოქალაქეობა და არა ხმა აჩუქოს, მაგრამ თუ ხელისუფლება ხალხის მოთხოვნას უგულებელყოფს, მაშინ მილიონი ქართველი ბიზნესმენს უკვე ხმასაც აჩუქებს", - დასძინა ბერძენიშვილმა.
Related Stories
