დღეს, 20 დეკემბერს, თბილისის საქალაქო სასამართლოში ბიძინა ივანიშვილისა და ეკატერინე ხვედელიძის მოქალაქეობის საკითხთან დაკავშირებით სასამართლო პროცესია დაგეგმილი.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

სასამართლომ  პრეზიდენტ სააკაშვილი ს იმ ბრძანებულების კანონიერებაზე უნდა იმსჯელოს, რომლის მიხედვითაც ივანიშვილ-ხვედელიძეს საქართველოს მოქალაქეობა შეუწყდათ.

ივანიშვილ-ხვედელიძის ადმინისტრაციული სარჩელის მოპასუხე მიხეილ სააკაშვილი ა. საქმის არსებითი განხილვა მოსამართლე შოთა გეწაძემ 12 დეკემბერს დაიწყო. მოსარჩელეთა ინტერესებს სასამართლოში ხუთი ადვოკატი იცავს: შალვა თადუმაძე, ეკა ბესელია, ალექსანდრე ბარამიძე, ზაქარია ქუცნაშვილი და არჩილ კბილაშვილი.

12 დეკემბრის სასამართლო სხდომაზე ადვოკატებმა არაერთხელ დააყენეს მოსამართლის აცილების საკითხი, რადგან მათ მიაჩნიათ, რომ შოთა გეწაძე აღნიშნული სარჩელის განხილვისას მიკერძოებულია. ამ მოსაზრებას ადვოკატები იმით ამყარებენ, რომ მოსამართლემ მათი შუამდგომლობების დიდი ნაწილი არ დააკმაყოფილა, გარდა ამისა, როცა მოსამართლე შუამდგომლობაზე საკუთარ უარს ასაბუთებდა, დარბაზში ხმის ჩამწერ მოწყობილობას თიშავდა. ბიძინა ივანიშვილის ადვოკატებმა მას მოსთხოვეს, განემარტა თუ რის საფუძველზე თიშავდა ხმის ჩამწერ მოწყობილებას. მოსამართლე შოთა გეწაძემ მათ განუცხადა, რომ მას ამის უფლება კანონით ჰქონდა, თუმცა, სამართლებრივი ნორმა არ დაუკონკრეტებია, რაც ასევე გახდა ადვოკატთა პროტესტის მიზეზი.

ადვოკატებს მიაჩნიათ, რომ პრეზიდენტმა ივანიშვილ-ხვედელიძის მოქალაქეობის გაუქმებასთან დაკავშირებით 11 ოქტომბრის ბრძანებულება უკანონოდ გამოსცა, რის გამოც მის გაუქმებას ითხოვენ. მათ მოთხოვნას, რა თქმა უნდა, არ ეთანხმება მოპასუხე - პრეზიდენტი სააკაშვილი .

netgazeti.ge

Related Stories

• ბიძინა ივანიშვილი: ეს აქცია არ ისახავს მიზნად რაიმე ტიპის დაპირისპირებას
• "ამნესტი ინტერნეიშენალი" სამხრეთ კავკასიაში ჰომოფობიის პრობლემას ეხმაურება
• 20-21 მაისს საქართველოს პრეზიდენტი ჩიკაგოში დაგეგმილ ნატოს სამიტს დაესწრება