საქართველოს პრემიერ-მინისტრ ნიკა გილაურის განცხადებით, "საქართველოს და
აზერბაიჯანს ექსკლუზიური და განსაკუთრებულად კარგი ურთიერთობა აქვთ".
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
პირWელის ცნობით, ამის შესახებ გილაურმა სასტუმრო "თბილისი მარიოტში" საქართველო-აზერბაიჯანის მთავრობათაშორისი ეკონომიკური კომისიის სხდომის დასრულების შემდეგ ჟურნალისტებისთვის გამართულ პრეს-კონფერენციაზე განაცხადა და იქვე დასძინა, რომ "ორ ქვეყანას შორის სტრატეგიული ურთიერთობებია".
"საქართველო-აზერბაიჯანს შორის განსაკუთრებული ტემპებით იზრდება ვაჭრობა და ტურიზმი. ვქმნით რეგიონულ დერეფანს, რომელიც ევროპასა და აზიას ერთმანეთთან დააკავშირებს. ჩვენ ერთად განვახორციელეთ ისტორიული რეგიონული პროექტები, კერძოდ "ბაქო-თბილის-ჯეიჰანი" და "ბაქო-თბილისი-ერზერუმი". ასევე "ბაქო-თბილისი-ყარსის" რკინიგზის პროექტს ვახორციელებთ და მუშაობა პროექტ AGRI-ს განხორციელებაზე მიდის, რომელიც საქართველოს გავლით ევროპაში გაზის ტრანსპორტირებას ითვალისწინებს", - განაცხადა გილაურმა.
თავის მხრივ, აზერბაიჯანის პრემიერ-მინისტრმა არტურ რასიზადემ ეკონომიკური კომისიის სხდომის მნიშვნელობაზე ისაუბრა და აღნიშნა, რომ შეხვედრაზე სამომავლო პროექტები იქნა დასახული.
"ჩვენ მაღალ შეფასებას ვაძლევთ საქმეებს, რომლებიც ერთად განვახორციელეთ, მაგრამ ცხოვრება მოითხოვს, მომავალზეც ვიფიქროთ და ახალი პერსპექტივები დავსახოთ. საქართველო ჩვენი სტრატეგიული პარტნიორია. ჩვენი ურთიერთობები სხვებისთვის სამაგალითოა და ასეთი შეხვედრების შედეგად კიდევ უფრო ღრმავდება", - განაცხადა რასიზადემ.
ცნობისთვის, საქართველო-აზერბაიჯანის ეკონომიკური კომისიის პლენარული სხდომის შემდეგ კომისიის ოქმის ხელმოწერის ცერემონია გაიმართა.
დღესვე აზერბაიჯანის დელეგაცია პრემიერ-მინისტრის ხელმძვანელობით საქართველოს პრეზიდენტს შეხვდება.
Related Stories
