| სააკაშვილი უმცირესობების ინტეგრაციის ხელშეწყობის მნიშვნელობაზე საუბრობს |
|
26/12/2011 15:42 (145 დღე 01:39 minutes ago) | ||||||||||||
 civil.ge -- პრეზიდენტმა სააკაშვილმა განაცხადა 25 დეკემბერს, რომ ეთნიკური უმცირესობების ინტეგრაციის ხელშეწყობა სახელმწიფოს ერთ–ერთ მთავარ პრიორიტეტს წარმოადგენს.
„დღეს საქართველოში არ არის უფრო დიდი ამოცანა, ვიდრე საქართველოს სხვადასხვა ეთნიკური წარმომავლობის ჯგუფების ინტეგრაცია, მათ მიერ გათავისება, რომ ისინი არიან ერთიანი სახელმწიფოს ნაწილი და მათი ჩართვა საერთო სახელმწიფოებრივ პროცესში“, – განაცხადა სააკაშვილმა და იქვე დასძინა, რომ მართალია სხვა პოსტ–საბჭოთა და აღმოსავლეთ ევროპის სახელმწიფოებთან შედარებით საქართველოს ბოლო წლების განმავლობაში პოზიტიური შობადობისა და პოზიტიური მიგრაციის ბალანსი აქვს, „ჩვენ მაინც პატარა, მცირერიცხოვანი ქვეყანა ვართ და ყველას, ვინც საქართველოში ცხოვრობს, საშუალება უნდა მივცეთ, რომ ჩვენი ქვეყნის შემადგენელი ნაწილი იყოს“.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
