პოლიტიკური პარტიების დაფინანსებასთან დაკავშირებით კანონსაწინააღმდეგო
არაფერი გაკეთებულა, - ინტერპრესნიუსის ცნობით, ამის შესახებ ბიძიან ივანიშვილმა დღეს საფრანგეთის
ელჩის მოვალეობის შემსრულებელთან შეხვედრის შემდეგ განაცხადა. ბიზნესმენმა
საელჩოში ფრანგული პასპორტი ჩააბარა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
მისი განმარტებით, ქართულმა კომპანიებმა პოლიტიკურ პარტიებს თანხები კანონიერად გადაურიცხეს.
" უფრო საინტერესოა ის, რაც პარლამენტში ხდება - ცვლიან კანონს და ქმნიან პრეცედენტს იმისა, რომ უკუქმედება მიანიჭონ მას. ქვეყნის პრეზიდენტი ხშირად მოგვახსენებს, რომ ყველაზე ლამაზ ქალაქებს აშენებს, ყველაზე მზარდი ეკონომიკა აქვს, ყველაზე დემოკრატიულ სახელმწიფოში ცხოვრობს და სწორედ ამ დროს ქმნის ყველაზე დიდ პრეცენდენტს და კანონს ანიჭებს უკუქმედების ძალას" – განაცხადა ბიძინა ივანიშვილმა.
მისივე განმარტებით, მსგავს კანონებს იღებენ იმ მიზნით, რომ ბიძინა ივანიშვილმა არავინ დააფინანსოს.
გასულ კვირას მთავარმა პროკურატურამ გაავრცელა მონაცემები ნოემბერ-დეკემბერში სხვადასხვა კომპანიების მიერ "რესპუბლიკელების", "თავისუფალი დემოკრატების", "კონსერვატორებისა" და "ხალხის პარტიისთვის" გადარიცხული თანხების შესახებ.
დღეს კი ძალაში შევიდა "მოქალაქეთა პოლიტიკური გაერთიანებების" შესახებ კანონის ახალი რეგულაციების ძირითადი ნაწილი, რომელიც პარლამენტმა გუშინ დაამტკიცა.
შესაბამისად, მოქალაქეთა პოლიტიკური გაერთიანებები და ამ კანონის 26/1 მუხლის პირველი პუნქტით განსაზღვრული სუბიექტები, რომელთაც დაფინანსება მიღებული აქვთ ამ კანონით დადგენილ რეგულაციათა დარღვევით და ამ კანონის ამოქმედების მომენტისთვის აღნიშნული თანხები არ დაუხარჯავთ, ვალდებულნი არიან, არაუგვიანეს 3 კალენდარული დღის ვადაში, აღნიშნული თანხები დაუბრუნონ თანხის მიმცემს. აღნიშნული ვალდებულების შეუსრულებლობის შემთხვევაში თანხა მიიქცევა სახელმწიფო საკუთრებაში.
ახალი რეგულაციები დაუწესდათ როგორც პარტიებს, ისე პოლიტიკური მიზნით მოქმედ იურიდიულ და ფიზიკურ პირებს, მათთან კავშირში მყოფ პირებს და სხვა.
"მოქალაქეთა პოლიტიკური გაერთიანებების" შესახებ კანონის ახალი რეგულაციებს პრეზიდენტმა ხელი 28 დეკემბერს მოაწერა.
Related Stories
