საქართველოს პრემიერ-მინისტრმა ნიკა გილაურმა მთავრობის დღევანდელ სხდომაზე 2012 წლის პრიორიტეტებზე ისაუბრა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც ინტერპრესნიუსი იუწყება, ნიკა გილაურის განცხადებით, 2012 წლის მთავარი პრიორიტეტი პირველ რიგში არის სოციალური სფერო - სოციალურ პაკეტში იგულისხმება საპენსიო პაკეტის ზრდა წლევანდელი წლის სექტემბრიდან.
"67 წელს ზემოთ პენსიონერების პენსია გაეზრდებათ 140 ლარამდე. ამ საპენსიო პაკეტში შესულია დაზღვევის ვაუჩერიც. გარდა ამისა, დაეზღვევა ყველა ბავშვი 0-დან 5 წლამდე და რა თქმა უნდა გაგრძელდება საავადმყოფოების მშენებლობა ც", - აღნიშნა ნიკა გილაურმა.
მისივე თქმით, გასული წლის დეკემბერში 30 საავადმყოფო გაიხსნა და იგივე ტემპით გაგრძელდება საავადყოფოების გახსნაც იანვარში.
პრემირეის განცხადებით, გაზაფხულზე რეგიონებში გაიხსნება შედარებით უფრო დიდი საავადმყოფოები, დაახლოებით 100-საწოლიანი საავადმყოფოს გახსნა იგეგმება თელავსა და ფოთში.
გილაურის ინფორმაციით, მნიშვნელოვანი მიმართულებაა 2012 წელს განათლების სფეროც - გაგრძელდება მასწავლებლების სერტიფიცირების პროცესი და სერტიფიცირებულ მასწავლებელთა წახალისებაც. შესაბამისი თანხები 2012 წლის განათლების ბიუჯეტში გათვალისწინებულია.
საქართველოს პრემირ-მინისტრის თქმით, 2012 წლის ერთ-ერთ მთავარ პრიორიტეტს წარმოადგენს სოფლის მეურნეობა. გილაურის განცხადებით 30%-ით არის გაზრდილი სოფლის მეურნეობის ბიუჯეტი.
"აშკარად ვხედავთ კერძო სექტორის აქტივობას სოფლის მეურნეობის სფეროში, რაც ძალიან პოზიტიურია", - განაცხადა გილაურმა.
Related Stories
