ბიძინა ივანიშვილის ცოლს ეკატერინე ხვედელიძეს მოუწევს, სამომავლოდ არჩევანი გააკეთოს პოლიტიკური პარტიის ლიდერობასა და ტელეკომპანია ”იგრიკას” მფლობელობას შორის, ამას მას ქართული კანონმდებლობა ავალდებულებს.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

”ახალგაზრდა იურისტთა ასოციაციის” იურისტმა თამარ კორძაიამ ”ნეტგაზეთს” განუცხადა, რომ მაუწყებლობის შესახებ საქართველოს კანონიდან გამომდინარე,  მაუწყებლობის სფეროში ლიცენზიის მფლობელი არ შეიძლება იყოს პოლიტიკური პარტია და პოლიტიკური პარტიის თანამდებობის პირი. როგორც კორძაია ამბობს, ეს შეზღუდვა არ ვრცელდება პოლიტიკური პარტიის თანამდებობის პირის ოჯახის წევრებზე.

ბიძინა ივანიშვილის პრესსამდივნომ დღეს, 20 იანვარს, დაადასტურა, რომ შპს ,,იგრიკა“, რომელსაც აქვს საკაბელო და სატელიტური მაუწყებლობის ლიცენზია, ბიძინა ივანიშვილის მეუღლის, ეკატერინე ხვედელიძის საკუთრებაში გადავიდა. პრესსამსახურის ცნობით, უახლოეს ხანში დაგეგმილია ახალი სატელიტური ტელემაუწყებლობის ამოქმედება.

მანამდე კი ბიძინა ივანიშვილმა განაცხადა, რომ თუ 2012 წელს დაგეგმილ საპარლამენტო არჩევნებამდე არ მოხდება მისი საქართველოს მოქალაქედ მიღება, მაშინ პოლიტიკურ პარტიას სწორედ ეკატერინე ხვედელიძე შექმნის და პარტიის ლიდერიც ის იქნება.

netgazeti.ge

Related Stories

• ბიძინა ივანიშვილი: ეს აქცია არ ისახავს მიზნად რაიმე ტიპის დაპირისპირებას
• "ამნესტი ინტერნეიშენალი" სამხრეთ კავკასიაში ჰომოფობიის პრობლემას ეხმაურება
• 20-21 მაისს საქართველოს პრეზიდენტი ჩიკაგოში დაგეგმილ ნატოს სამიტს დაესწრება