| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
საქართველოს საგარეო საქმეთა მინისტრმა ევროსაბჭოს საპარლამენტო ასამბლეის
სესიაზე ევროპული უსაფრთხოებისთვის საქართველოს მნიშვნელობაზე,
საქართველოში მიმდინარე რეფორმებსა და ევროსაბჭოს რეფორმირების
აუცილებლობაზე ისაუბრა, - ამის შესახებ "ინტერპრესნიუსის" კორესპონდენტი
სტრასბურგიდან იუწყება.
"ჩვენ შევძელით საბჭოთა მენტალიტეტისგან გათავისუფლება. დღეს ჩვენი ქვეყანა არის რეგიონის ლიდერი. მივიღეთ მნიშვნელოვანი ცვლილებები საარჩევნო კოდექსში და არჩევნებისადმი ნდობა გავზარდეთ", - განაცხადა გრიგოლ ვაშაძემ ევროსაბჭოს ტრიბუნიდან.
მინისტრმა ასევე ისაუბრა კორუფციის მოსპობაზე, ქვეყნის დეკრიმინალიზაციაზე და აღნიშნა, რომ საქართველო დემოკრატიული გარდაქმნების მაგალითია.
"2008 წელს ვინმეს რომ ეთქვა, ჩვენ ასეთ სიმაღლეზე ავიდოდით, ვერ დავიჯერებდი. თუმცა წინ დიდი საქმეები გველის იმისთვის, რომ შემდგომი გზაც იყოს წარმატებული", - აღნიშნა ვაშაძემ.
საგარეო საქმეთა მინისტრი გამოსვლის დროს სავიზო რეჟიმის ლიბერალიზაციას, ევროკავშირთან სავაჭრო ურთიერთობების დაწყებას და აღმოსავლეთ პარტნიორობის მნიშვნელობასაც შეეხო.
"მას შემდეგ, რაც ვფიქრობთ დემოკრატიის გამყარებაზე, ვხვდებით, რომ უსაფრთხოების პრობლემის გადაწყვეტის გარეშე ეს მიუღწეველია. საქართველო პარტნიორია, რომელიც უსაფრთხოების არა მხოლოდ მომხმარებელი, არამედ მიმწოდებელიცაა. რუსული აგრესიის მსხვერპლია უამრავი ადამიანი საქართველოში, ამიტომ გვჭირდება ეფექტური ურთიერთობები. საქართველო მხარს უჭერს ევროსაბჭოს რეფორმებს, მაგრამ ჩვენი აზრით, უფრო ამბიციური გეგმაა საჭირო. საჭიროა ცვლილებები ევროსაბჭოს მუშაობაში, რომ გადაუწყვეტელი საკითხები აღარ გვქონდეს",- აღნიშნა გრიგოლ ვაშაძემ.
Related Stories
