უკრაინის ექს-პრემიერის იულია ტიმოშენკოს ქმარი
მსოფლიო ს ცოლის "იანუკოვიჩის რეჟიმის წამებისა და აბუჩად აგდებისგან"
დაცვას სთხოვს.
|
| წაიკითხე სმარტფონში |  |
|
როგორც პირWელი იუწყება, ალექსანდრე ტიმოშენკოს განცხადებით, მან ჩეხეთს პოლიტიკური თავშესაფრის მინიჭების თხოვნით "უკრაინის ამჟამინდელი ხელისუფლების მხრიდან ზეწოლისა და დევნის გამო" მიმართა.
"უკრაინის ამჟამინდელ ხელისუფლებას – იანუკოვიჩის ავტორიტარულ რეჟიმს იულია ტიმოშენკოს გატეხვა არც დაშინებით, არც სასამართლოთი, არც სასჯელით, არც წამებით გამოუვიდა და მერე ჩემი და ჩემი ოჯახის სხვა წევრების დევნა დაიწყო. არ მინდა, იანუკოვიჩს ოპოზიციის ლიდერზე ზეწოლის დამატებითი ბერკეტი მივცე და ჩემთვის პოლიტიკური თავშესაფარი ერთადერთი საშუალებაა მიზნის მისაღწევად", - განაცხადა ალექსანდრე ტიმოშენკომ რადიო "თავისუფლებასთან" ინტერვიუში.
ამასთან, მან მსოფლიო ლიდერებს მოუწოდა, უკრაინის ექს-პრემიერი ციხისგან იხსნან და უკრაინის ამჟამინდელი ხელისუფლების წინააღმდეგ სანქციები დააწესონ.
"აქ ჩამოვედი, რათა მსოფლიო ს ჩემი ცოლის ციხიდან გათავისუფლებაში, რეჟიმისგან წამებასა და აბუჩად აგდებისგან დაცვაში დახმარება ვთხოვო. იანუკოვიჩის რეჟიმს ცოცხალი ტიმოშენკო არ სჭირდება. მივმართავ მსოფლიო ს ყველა ქვეყნის ლიდერს, ჩემი ცოლი ფიზიკური განადგურებისგან იხსნან", - განაცხადა ტიმოშენკომ და დასძინა, რომ "2009 წლის იანვარში იულიამ მთელი ევროპა ცივი ზამთრისგან იხსნა, ამიტომ ახლა მისი გადარჩენაა საჭირო".
ამასთან, მან იმედი გამოთქვა, რომ უკრაინა ში ახალი რევოლუცია მოხდება, იულია ტიმოშენკო საპყრობილედან გათავისუფლდება და პრეზიდენტი გახდება.
შეგახსენებთ, რომ ალექსანდრე ტიმოშენკოს ჩეხეთის ხელისუფლებამ პოლიტიკური თავშესაფარი 6 იანვარს მისცა.
Related Stories
