განათლების სისტემა ახალ სასწავლო წელს სიახლეებით შეხვდება საქართველოს ზოგადსაგანმანათლებლო საჯარო სკოლები მომავალ 2011-2012 წელს სიახლეებით შეხვდება, იტყობინება ინტერპრესნიუსი.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

როგორც განათლებისა და მეცნიერების მინისტრმა დიმიტრი შაშკინმა დღეს გამართულ პრესკონფერენციაზე განაცხადა, ახალი 2011-2012 სასწავლო წლისთვის საზოგადოებისთვის ბევრი სიახლე იქნება. ახალ სასწავლო წელს სკოლებში ინფრასტრუქტურული, ტექნოლოგიური და შინაარსობრივი ცვლილებები განხორციელდა.

დიმიტრი შაშკინის განცხადებით, ახალი სასწავლო წლისთვის საქართველოს მასშტაბით 350 საჯარო სკოლას სრული რეაბილიტაცია ჩაუტარდა, რეგიონებში 12 ახალი სკოლა შევა ექსპლუატაციაში, ფოთსა და ქობულეთში ახალი სტანდარტების 2 პროფესიული კოლეჯი გაიხსნება, თბილისში მასწავლებლის სახლი ამოქმედდება, პირველად საქართველოს ყველა პირველკლასელი და მათი დამრიგებელი სახელმწიფოსგან საჩუქრად 60 000 ნეთბუკს მიიღებს, ყველა სოციალურად დაუცველ მოსწავლეს, სახელმწიფოსგან საჩუქრად სახელმძღვანელოები გადაეცემა, 1000 წარჩინებულ ათოსან მოსწავლეს სამინისტრო პორტატიულ კომპიუტერს აჩუქებს.

გარდა ამისა, დიმიტრი შაშკინმა განაცხადა, რომ ე-სცჰოოლ სკოლებში თანამედროვე ელექტრონული საინფორმაციო სისტემა დაინერგება. კერძოდ, თბილისის, ქუთაისისა და ბათუმის სკოლებს ელექტრონული ჟურნალები და გაკვეთილების ცხრილი ექნება, შეიქმნება მოსწავლეების ელექტრონული ბაზები. თანამედროვე სისტემის საშუალებით, ადმინისტრირების პროცესი მთლიანად ელექტრონულად წარიმართება და მშობლებს საშუალება ექნებათ ინფორმაცია ონლაინ რეჟიმში მიიღონ. პირველიდან მე-6 კლასის ჩათვლით სკოლებში ახლად გრიფირებული სახელმძღვანელოები შევა, რომელთა ფასი 10 ლარს არ აღემატება.
ინგლისური ენის შესწავლა 1-ელი კლასიდან მაკმილანის ახალი სახელმძღვანელოებით დაიწყება. სკოლები 10 000 ახალი დაფით, მერხითა და სკამით აღიჭურვება, სკოლებში დაწყებულია ინტერაქტიული სმარტბოარდ-ის დაფების შეტანა, პროგრამა "აინშტაინის" ფარგლებში თბილისისა და დიდი ქალაქების ყველა საჯარო სკოლა 900 სამეცნიერო-საბუნებისმეტყველო ლაბორატორიითა უზრუნველყოფილი.

ზემოთ ჩამოთვლილი სიახლეები 2010-2015 წლების საქართველოს განათლებისა და მეცნიერების სამინისტროს სტრატეგიის ფარგლებში განხორციელდა. სისტემაში დაგეგმილი და განხორციელებული რეფორმები მიზნად ისახავს საქართველოს საგანმანათლებლო სისტემაში საერთაშორისო სტანდარტების დანერგვას.

Related Stories

• ეროვნული შეფასებები არაქართულენოვან სკოლებშიც დაიწყო
• ინტეგრირებული გამოცდა მასწავლებლებისთვის
• პირველ ეტაპზე სტუდენტური დაზღვევა მხოლოდ სახელმწიფო სასწავლებლებზე გავრცელდება