სტუდენტურ სესხებზე მოთხოვნა შარშანდლის ანალოგიურია, ამის შესახებ რამდენიმე წამყვანი ბანკი აცხადებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
რაც შეეხება საპროცენტო განაკვეთებს, ისინი 15-%-დან იწყება.
„თი ბი სი“ ბანკის გაყიდვების სამსახურის უფროსის, ნინო ყაჭეიშვილის თქმით, საპროცენტო განაკვეთი წამყვანი სასწავლებლების (თავისუფალი უნივერსიტეტი, "ჯიპა," GAU და სხვა) სტუდენტების შემთხვევაში 16%-ია. ამასთან, ბანკი ამ განაკვეთის შემცირების შესაძლებლობასაც განიხილავს. ზოგიერთი, მაღალი გადასახადის უნივერსიტეტის სტუდენტებს "თი ბი სი" გარკვეულ შეღავათებსაც სთავაზობს.
სპეციალური შეთავაზება ბანკ „რესპუბლიკასაც“ აქვს. ისინი „კავკასიის უნივერსიტეტის“ სტუდენტებს გარკვეული ტიპის შეღავათებით ემსახურებიან. ბანკ „რესპუბლიკას“ საცალო საბანკო მიმართულების უფროსის გიგა სულაძის თქმით, თუკი მსესხებლის შემოსავალი ხელფასია, მისთვის საპროცენტო განაკვეთი ფიქსირებულ 19%–ს შეადგენს, ხოლო ბიზნესი დან ან პროფესიული საქმიანობიდან მიღებული შემოსავლის შემთხვევაში, განაკვეთი 26%–ია.
„საქართველოს ბანკში“ სტუდენტური სესხები 15%-დან იწყება, სესხის ვადა კი 60 თვემდეა. ბანკმა სტუდენტებისთვის სპეციალური აქცია გამართა: Facebook-ის საშუალებით მათ შესაძლებლობა ჰქონდათ, ვიდეო-რგოლები გადაეღოთ და ისინი ბანკის „ფეისბუქის“ გვერდზე აეტვირთათ. ვიდეორგოლებში მათ უნდა დაესაბუთებინათ, რომ მათთვის სწავლა აუცილებელია. კონკურსს უკვე ჰყავს გამარჯვებულები, რომელთაც 5000, 3000 და 200 ლარის სტიპენდიები გადაეცათ. ბანკები ს წარმომადგენლების თქმით, გაცემული სტუდენტური სესხების რაოდენობა, წინა წელთან შედარებით, არ შეცვლილა. საბოლოო შედეგები კი ოქტომბრის ბოლოს იქნება ცნობილი, რადგან რამდენიმე უმაღლეს სასწავლებელში სასწავლო პროცესი ჯერ კიდევ არ დაწყებულა.
Related Stories
