საქართველოში ყოველი მეოთხე მოსწავლე კერძო რეპეტიტორთან ემზადება.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

პირWელის ცნობით, აღნიშნული შედეგი განათლების პოლიტიკის, დაგეგმვისა და მართვის საერთაშორისო ინსტიტუტმა (EPPM) აღმოსავლეთ-დასავლეთის მართვის ინსტიტუტის (EWMI) პროგრამის "საჯარო პოლიტიკის, ადვოკატირებისა და სამოქალაქო საზოგადოების განვითარება საქართველოში" ფინანსური მხარდაჭერით განხორციელებული კვლევის შედეგად მიიღო, რომელიც მთელი ქვეყნის მასშტაბით ჩატარდა.

კვლევამ აჩვენა, რომ გამოკითხულთა მთლიანი რაოდენობის 90% კერძო რეპეტიტორების აუცილებლობას ადასტურებს. გამოკითხულთა ის 60% კი, რომელიც რეპეტიტორთან არ ემზადება, ამის მიზეზად მხოლოდ ფინანსების სიმცირეს ასახლებს.

რეპეტიტორებზე მოთხოვნის გამომწვევი ორი ძირითადი მიზეზი, გამოკითხულთა აზრით, სასკოლო განათლების დაბალი ხარისხი და სკოლაში მიღებული ცოდნის უმაღლეს სასწავლებელში მისაღები გამოცდების მოთხოვნებთან შეუსაბამობაა.

კვლევის შედეგების პრეზენტაცია ხვალ სასტუმრო "რედისონ ბლუ ივერიაში" გაიმართება.

აღსანიშნავია, რომ განათლების პოლიტიკის დაგეგმვისა და მართვის საერთაშორისო ინსტიტუტი კერძო რეპეტიტორობის თემაზე 2003 წლიდან მუშაობს.

Related Stories

• საქართველოს მასშტაბით 2012 წლის გამოსაშვები გამოცდები დაიწყო
• ეროვნული შეფასებები არაქართულენოვან სკოლებშიც დაიწყო
• ინტეგრირებული გამოცდა მასწავლებლებისთვის