საქართველო საზღვარგარეთული ინვესტიციებისთვის ერთერთი ყველაზე გახსნილი
ქვეყანაა.
ამის შესახებ კი მსოფლიო ბანკი 87 ქვეყნის საინვესტიციო გარემოს შესწავლის შემდეგ აცხადებს, იუწყება რადიო კომერსანტი.
მოხსენების ავტორების შეფასებით, საქართველოს მიმზიდველობა იმითაა განპირობებული, რომ ქვეყანაში მონოპოლიები არ არსებობს. მსოფლიო ბანკი ანგარიშში ნახსენებია 2008 წელს მიღებული კანონი, რომლის თანახმადაც მიწაზე საკუთრების უფლების მიღება გაცილებით სწრაფი და მარტივი გახდა.
ქართველი ექსპერტების ნაწილი მსოფლიო ბანკს ნაწილობრივ ეთანხმება, თუმცა თვლის, რომ ქვეყანაში კვლავ საკმაოდ რთულია ბიზნესი ს წარმოება. „ სოციალური და ეკონომიკური კვლევების კავკასიური ცენტრის“ აღმასრულებელი დირექტორი აცხადებს, რომ საქართველო ასეთ გამოკითხვებში ყოველთვის ლიდერის პოზიციას იკავებდა. თუმცა, ბიზნესი ს წარმოებასთან დაკავშირებული პრობლემები კვლავ აქტუალურია. „მძიმე ადმინისტრირება და საგადასახადო კოდექსის ორმაგი გაგება ბიზნესს ხელს უშლის. ამიტომაც კოდექსის ახალი პროექტი განიხილება,“–აცხადებს დავით ნარმანია. მისივე თქმით, პრობლემად რჩება სასამართლო სისტემის მოუქნელობა.
Related Stories
