ბანკი "ქართუ" მოითხოვს, შეწყდეს ბანკსა და მის კლიენტებზე პოლიტიკურად მოტივირებული ზეწოლა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ბანკი "ქართუ” აღნიშნულ თემაზე განცხადებას ავრცელებს, რომელსაც ”ინტერპრესნიუსი” უცვლელად გთავაზობთ :
"სს ,,ბანკი ქართუ" აცხადებს, რომ მიუხედავად ა.წ 18 ოქტომბერს სს ,, საქართველოს ბანკი ს" ტერიტორიაზე სამართალდამცველი ორგანოების მიერ საზოგადოებისათვის საშიში ფორმით განხორციელებული სპეცოპერაციის დროს ბანკისათვის აბსოლუტურად უსაფუძვლოდ წართმეული დიდი ოდენობის ფულადი სახსრებისა, ჩვენ არ განვიცდით ფინანსურ პრობლემებს, უფრო მეტიც დღეისათვის საქართველოს საბანკო სისტემაში ერთერთი ყველაზე მაღალი ლიკვიდობის დონე გვაქვს.
ბანკის პრობლემა სწორედ იმაშია, რომ მისდამი საქართველოს ხელისუფლებისა თუ ეროვნული ბანკის დღევანდელ დამოკიდებულებაში გადამწყვეტია პოლიტიკური ფაქტორი და ჩვენი დამფუძნებლის ბატონი ბიძინა ივანიშვილის წინააღმდეგ პოლიტიკური ანგარიშსწორების ვექტორი მნიშვნელოვნად ბანკისაკენ არის მიმართული.
აღნიშნულს პირდაპირ ადასტურებს ბანკის ინკასაციის მანქანაზე ფულის გათეთრების აღკვეთის მოტივით განხორციელებული თავდასხმა, როდესაც ერთი წამითაც არ დამდგარა ეჭვის ქვეშ ხელისუფლებისადმი ლოიალური სს ,, საქართველოს ბანკი ს", საიდანაც ვითომ ,,შავი" ფულის ტრანპორტირებას ვახდენდით, პასუხისმგებლობის საკითხი.
მხოლოდ პოლიტიკური მოტივით შეიძლება აიხსნას ამ საკითხზე საქართველოს ეროვნული ბანკი ს განცხადებებიც, თუმცა ცხადზე ცხადია, რომ მსოფლიო ს წამყვანი ბანკები ს მეშვეობით გატარებული ოპერაცია არ შეიძლება საქართველოში დაკვალიფიცირდეს ფულის გათეთრების მცდელობად და გნებავთ სს ,,ბანკ ქართუში" მყისიერად დაწყებული შემოწმება, რომელიც აბსოლუტურად უსაფუძვლოდ, ფაქტობრივად დროებითი ადმინისტრაციის რეჟიმში ფუნქციონირებს და დღემდე არ აკეთებს დასკვნას ფულის გათეთრების ასე გახმაურებულ ოპერაციაზე.
პარალელურად, მიდის სერიოზული ზეწოლა ბანკის კლიენტებზე, რათა მათ გადაიტანონ ანგარიშები და ფულადი სახსრები სხვა ბანკებში და ვფიქრობ თავად კომერციულ ბანკებზე, რომელთაც აშკარად შეცვალეს დამოკიდებულება სს ",ბანკი ქართუს" მიმართ.
სს ,,ბანკი ქართუს" ხელმძღვანელობა კატეგორიულად მოითხოვს, შეწყდეს თავად ბანკსა და მის კლიენტებზე პოლიტიკურად მოტივირებული ზეწოლა, დაგვიბრუნდეს უსაფუძვლოდ ჩამორთმეული ჩვენი კუთვნილი თანხები და მოგვეცეს მშვიდად და სტაბილურად ფუნქციონირების შესაძლელობა, რაც სახელმწიფოსა და პირველ რიგში საქართველოს ეროვნული ბანკი ს წმინდათა წმინდა მოვალეობაა", - აღნიშნულია განცხადებაში.
როგორც გუშინ ეროვნული ბანკის პრეზიდენტმა გიორგი ქადაგიძემ განაცხადა, ეროვნული ბანკის მზადაა სიტუაციის დასტაბილურებამდე ~ბანკ ქართუს~ დაყადაღებული თანხის ოდენობის ფინანსური რესურსი გამოუყოს.
ჩვენ მზად ვართ, საჭიროებიდან გამომდინარე, განვახორციელოთ კომპლექსური დახმარების პროგრამა, ასევე, მზად ვართ, გამოვყოთ ფინანსური რესურსი ორი მილიონი დოლარისა და ერთი მილიონი ევროს ოდენობით. იმ მიზნით, რომ დასრულდეს პოლიტიკური სპეკულირება ამ თანხასთან დაკავშირებით", - აღნიშნა ქადაგიძემ.
შსს-მ რამდენიმე დღის წინ ფულის გათეთრების ბრალდებით ბანკ "ქართუს" საინკასაციაო მანქანა დააკავეს და დიდი ოდენობით თანხა ამოიღეს. საუბარია ორ მილიონ დოლარზე და ერთ მილიონ ევროზე. ამასთან, ბანკ "ქართუში" ეროვნული ბანკი შევიდა.
Related Stories
