რადიო კომერსანტის ცნობით, რუსეთის მარცვლეულის ექსპორტზე აკრძალვა შესაძლოა მიმდინარე წლის
დასრულებამდე გაუქმდეს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ამგვარი განცხადება პრეზიდენტმა დიმიტრი მედვედევმა აგროსამრეწველო კომპლექსის წარმომადგენლებთან შეხვედრაზე გააკეთა.
„მარცვლეულის ემბარგო იძულებითი, მაგრამ დროებითი ზომაა. როგორც კი აღებულ მოსავალს დავითვლით, რუსული მარცვლეულის ექსპორტზე დაწესებული აკრძალვა გაუქმდება,“ – განაცხადა რუსეთის მეთაურმა.
თუმცა პრემიერი ვლადიმირ პუტინი აცხადებს, რომ მთავრობა უახლოეს მომავალში არ აპირებს საკუთარი პოზიციის შეცვლას. ჯერ კიდევ გასულ კვირაში მთავრობის მეთაურმა აღნიშნა, რომ ემბარგოს გაუქმების საკითხის განხილვა მხოლოდ მას შემდეგ შეიძლება დაიწყოს, რაც მომავალი წლის მოსავლის საკითხში სინათლე შევა. მედიამ ეს განცხადება შეაფასა, როგორც ექსპორტის შეზღუდვის 2011 წლამდე გაგრძელება.
შეგახსენებთ, რომ მანამდე, 1 სექტემბერს რუსეთის მთავრობამ ექსპორტზე არსებული ემბარგო შეასუსტა და მარცვლეულის გატანა მხოლოდ ნაწილობრივ, გარკვეულ შემთხვევებში (მათ შორის ჰუმანიტარული მიზნებით) დაუშვა.
Related Stories
