| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
გქონიათ ისეთი შემთხვევა რომ კომპანიის მომსახურებით, ან პროდუქცით
უკმაყოფილო დარჩენილხართ და შემდეგ ამის შესახებ გიჩივლიათ?
თუ ეს ასეა თქვენ ხუთი ადამიანიდან ერთ – ერთი ხართ იმ 100 გამოკითხულიდან, რომელთაც თავიანთი საჩივრები კომპანიის მისამართებზე გაგზავნეს.
მომხმარებელთა უმრავლესობა, რომელებიც კომპანიების მომსახურების და პროდუქციის ხარისხით უკმაყოფილოა არ ასაჩივრებს. FINANCIAL - ის მიერ ჩატარებული კვლევის შედეგად გამოირკვა რომ გამოკითხულთა 95 % – ი ამის შესახებ არასოდეს ასაჩივრებს.
60 % – მა განაცხადა რომ მათ აქვთ სურვილი კომპანიების მომსახურების და პროდუქციის ხარისხი გაასაჩივრონ, თუმცა იმედი არ აქვთ რომ მოუსმემენ და ამაზე რეაგირებას მოახდენენ. გამოკითხულთა 40 % – ი ამბობს რომ აღარასდროს დაუბრუნდება ისეთ კომპანიას, რომლის მომსახურების ხარისხითაც უკმაყოფილოა.
FINANCIAL - ის მიერ გამოკითხული კომპანიების თქმით, მათ აქვთ მომსახურების სპეციალური ცენტრები, სადაც ადამიანებს შეუძლიათ დარეკონ ნებისმიერი ინფორმაციის მისაღებად, რაც მათ სერვისს და პროდუქციას ეხება.
„ბანკ „რესპუბლიკაში“ 24 საათიანი “ქოლ-ცენტრი“ მუშაობს, კვირაში 7 დღე, სადაც ნებისმიერ დაინტერესებულ ფიზიკურ პირს შეუძლია საბანკო, საკრედიტო და ანაბრის პირობების და ნებისმიერი სახის ფინანსური ოპერაციების შესახებ კომპეტენტური პასუხი მიიღოს, “ ამბობს ბანკი „რესპუბლიკა,“ Societe Generale ჯგუფის საზოგადოებასთან ურთიერთობის დეპარტამენტის ხელმძღვანელი თათა შავდია.
„ მომხმარებელზე ზრუნვა Beeline - ის ერთ – ერთი პრიორიტეტია. ვინაიდან აბონენტთა რაოდენობა იზრდება, ჩვენ უფრო მეტ ყურადღებას ვუთმობთ ამ საკითხს,“ გვითხრა Beeline - ის საზოგადოებასთან ურთიერთობის ხელმძღვანელმა თეონა ბაღდავაძემ.
მომხმარებელთა კომუნიკაციის საკუთარი ცენტრი აქვს „ემ ჯგუფს“, კომპანიის განცხადებით, ის სისტემატურად აკვირდება კლიენტების მომსახურებას და რეაგირებისათვის სპეციალური განყოფილებებიც აქვს შექმნილი.
კომპანია ”პოპულმა” მომხმარებელთან ურთიერთობის ეფექტურობის გაზრდის მიზნით შეიმუშავა ახალი საბარათო სისტემა ”პოპ-არტ” ბარათის სახით, რომელიც მოიცავს მომხმარებლისთვის გარკვეული ქულების დაგროვების შედეგად საჩუქრების გაცემას და ასევე გარკვეული პროდუქტების შეძენას დაგროვილი ქულებით.
საბარათე სისტემის გამართულად მომსახურებასთან და ასევე კლიენტის კმაყოფილებასთან დაკავშირებით კომპანიამ დაარსა ”ლოიალობის ბარათის” ცხელი ხაზი, რაც უზრუნველყოფს ”პოპ-არტ” ბარათთან დაკავშირებით ნებისმიერი ტიპის ინფორმაციის გაცემას მომხმარებლისთვის.
შეფასების მიღება მომხმარებლის კმაყოფილებისა და სერვისის შემოწმების ერთ ერთი გზა არის. კომპანიების განმარტებით, ისინი აქტიურად იღებენ კლიენტებისაგან შეფასებებს ამ თუ იმ მომსახურებასთან დაკავშირებით.
„ ჩვენ სპეციალური შეფასების ფორმა გვაქვს, რასაც მომხმარებელი ავსებს, მას შემდეგ რაც გამოიყენებს ჩვენ სერვისს, “ გვითხრა „ემ ჯგუფის“ საზოგადოებასთან ურთიერთობის დეპარტამენტის მენეჯერმა თაკო ნიბლაძემ.
ბაღდავაძის თქმით, Beeline – ი ცდილობს რაც შეიძლება მეტი შეფასება მიიღოს აბონენტებისაგან.
„ ჩვენ რამოდენიმე მომხმარებლის სერვის ცენტრი გვაქვს, მათ შორის არის 0611, რომელზეც თქვენ მსოფლიო ს ნებისმიერი კუთხიდან შეგიძლიათ დარეკოთ მობილურით და მიიღოთ ინფორმაცია ჩვენი მომსახურების, ფასების, ტექნიკური დახმარების შესახებ.
ჩვენ მეორე ნომერიც გვაქვს ჩვენი აბონენტებისათვის – 7777, ეს მათთვისაა ვისაც სურს ამინდის, ვალუტის, ფრენების და სხვა სახის ინფორმაციები მიიღოს. ჩვენი ახალი ინიციატივით კი შეიქმნება სპეციალური ხაზი 1123, სადაც მომხმარებელი თავიანთ შეფასებებს დატოვებს,“ ამბობს ბაღდავაძე.
„ნიკორასათვის“ ძალიან მნიშვნელოვანია, რომ მომხმარებელი იყოს კმაყოფილი, მომხმარებლის კმაყოფილება კი პირდაპირპროპორციულია კომპანიის წარმატებასთან,“ ამბონს „ნიკორას“ საზოგადოებასთან ურთიერთობის მენეჯერი გიგა ბატკუაშვილი.
„ჩვენ სისტემატიურად ვიგებთ მომხმარებლის მოსაზრებებს, პერიოდულად ტარდება მარკეტინგული კვლევები, ფოკუს ჯგუფები, სადაც მოწვეულნი არიან, როგორც ლოიალური, ასევე ჩვენი კონკურენტი კომპანიების მომხმარებლები, მათ უტარდებათ პროდუქციის დაგემოვნების ბრმა ტესტი, რომელშიც იგულისხმება სხვადასხვა პროდუქციის დაგემოვნება, ტესტის დასრულების შემდეგ, მიმდინარეობს დისკუსია და ხდება მათ მიერ გამოთქმულ ყველა შენიშვნის და მოსაზრების გათვალისწინება,“ გვითხრა ბატკუაშვილმა.
“ნიკორას” საფირმო მაღაზიებში პერიოდულად ტარდება დეგუსტაციები, საიდანაც კიდევ ერთხელ აქვს კომპანიასშესაძლობა, მოვისმინოს მოხმარებლის დამოკიდებულება კომპანიის მიმართ.
„პოპულის“ ყველა მაღაზიაში დევს კითხვარები და სპეციალური ყულაბები სადაც მომხმარებელი აქტიურად აფიქსირებს თავის აზრს, ასეთი ინფორმაცია საოპერაციო ნაწილში გადამუშავდება და მიიღება სხვა და სხვა სახის გადაწყვეტილებები.
„მაღაზიის მენეჯერსა და ადმინისტრატორს მკაცრად ევალებათ სამუშაო დღის 80% გაატარონ დარბაზში დააკვირდნენ მომხმარებელს, ესაუბრონ მათ აწარმოონ გამოკითხვები სხვადასხვა მიმართულებით. დაგროვილი ინფორმაცია მენეჯერების თათბირზე განიხილება რის შედეგადაც კომპანიის მენეჯმენტი უფრო მარტიად იგებს თუ რა სურს ხალხს და სწორედ მომხმარებლის პრეფერენციებიდან გამომდინარე ნერგავს თანამედროვე სიახლეებს,“ ამბობს „პოპულის“საზოგადოებასთან ურთიერთობის მენეჯერი ლიკა მიქაუტაძე.
Related Stories
