თბილისის მერიისა და ევრაზიის თანამშრომლობის ფონდის ერთობლივი პროექტით
„იაფი კრედიტით,“ რომელიც ორი თვეა დაიწყო, ჯერ არცერთი კომპანია არ
დაინტერესებულა, იუწყება რადიო კომრსნტი გაზეთ " ბანკები და ფინანსების" მასალებზე დაყრდნობით.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
შეგახსენებთ, რომ, 2011 წლის იანვრიდან დაწყებული პროექტის მიხედვით, „იაფი კრედიტით“ სარგებლობა მხოლოდ თბილისში რეგისტრირებულ ბიზნესსა და ბიზნესი ს დაწყების მსურველ პირებს შეუძლიათ.
მერიამ პროექტის ფარგლებში, საკუთარი ბიუჯეტიდან 5 მილიონი ლარი გამოყო. სესხის მაქსიმალური ოდენობა, თითოეულ პირზე, 150 ათასი ლარით, საპროცენტო განაკვეთი კი 6%-ით განისაზღვრება. მეწარმემ სესხი სამოცი თვის განმავლობაში უნდა დაფაროს.
„იაფი კრედიტის“ პროექტში თბილისის მერია რამდენიმე კომერციულ ბანკთან თანამშრომლობს. ესენია „ საქართველოს ბანკი “, „ტაო პრივატ ბანკი“, „ბაზის ბანკი“ და „ ლიბერთი ბანკი “.
2011 წლის „იაფი კრედიტის“ პროგრამა სოციალური წარმოების განვითარებასაც ითვალისწინებს. თბილისის მერია აღნიშნული პროგრამის ფარგლებში ევრაზიის ფონდთანაც თანამშრომლობს. სოციალური საწარმოს შექმნით ან გაფართოებით დაინტერესებულ პირებს შესაძლებლობა ეძლევათ ევრაზიის თანამშრომლობის ფონდში შეიტანონ საპროექტო განაცხადი საგრანტო დაფინანსების მოსაპოვებლად და „იაფი კრედიტის“ პროგრამის ფარგლებში თბილისის მერიისგან თანადაფინანსებისთვის სესხი მიიღონ. იმ ბიზნესებს კი, რომელთაც იაფი სესხი სურთ, მაგრამ სოციალურ პროფილის მქონენი არ არიან, ბიზნეს-პროექტი თბილისის მერიას უნდა წარუდგინონ.
დადებითი პასუხის მიღების შემთხვევაში, მერია გასცემს სესხს, ევრაზიის ფონდი კი გრანტს.
ევრაზიის თანამშრომლობის ფონდი „იაფი კრედიტის“ ფარგლებში 50 ათას ლარს გამოყოფს, გრანტის მაქსიმალური ოდენობა 10 ათასი დოლარია. გრანტის მისაღებად აუცილებელი მოთხოვნაა, რომ პროექტის ღირებულების მინიმუმ 30% სესხით შეივსოს.
თბილისის მერიის ეკონომიკური პოლიტიკის სამსახურის უფროსის ზვიად არჩუაძის თქმით, ჯერჯერობით მათთან განაცხადები არ შესულა, მაგრამ იმედი აქვთ, ინიციატივა წარმატებული აღმოჩნდება და ბევრ ადამიანს დაეხმარება. ამასთან, დამატებით არაერთი სამუშაო ადგილი შეიქმნება.
იგივეს აცხადებენ ევრაზიის განვითარების ფონდშიც. „დღეის მდგომარეობით მერიაში განაცხადი არ არის შესული და ჩვენთვისაც უშუალოდ ოფიციალური განცხადებით არავის მოუმართავს”, - განმარტავს ევრაზიის თანამშრომლობის ფონდის პროგრამის მენეჯერი ვიქტორ ბარამია.
Related Stories
