რადიო კომერსანტის ცნობით, ქართული პროდუქტების მწარმოებელი კომპანიები საერთო-ეროვნული ნიშნის ქვეშ
ერთიანდებიან.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
26 თებერვალს „ქორთიარდ მარიოტში“ გაიმართება ორგანიზაცია „იყიდე ქართული“-სა და საერთაშორისო საქველმოქმედო ფონდ “იავნანა”-ს ერთობლივი ინიციატივის პრეზენტაცია.
ინიციატივა გულისხმობს ქართული პროდუქტების მწარმოებელი კომპანიების გაერთიანებას საერთო ეროვნული სავაჭრო ნიშნის ქვეშ, რაც მათ საშუალებას მისცემს ერთდროულად შეიძინონ ძლიერი მარკეტინგული ინსტრუმენტი და გააკეთონ კორპორატიული ქველმოქმედება „იავნანა“-ში.
„იყიდე ქართული“-ს მოძრაობაში უკვე გაერთიანებულია სპეციალური კრიტერიუმების მეშვეობით შერჩეული 125 ქართული პროდუქტების მწარმოებელი კომპანია. მოძრაობის მიზანია, „იყიდე ქართული“-ს ლოგო გახდეს პროდუქტის „ქართულობის“ საერთო და მთავარი მიმანიშნებელი სიმბოლო და იყოს ცნობადი საქართველოს ყველა მოქალაქისთვის.
„იყიდე ქართული“-ს პრეზიდენტის ქეთი მეფარიშვილის თქმით, „იყიდე ქართული“ წარმოადგენს ერთიან საკომუნიკაციო პლატფორმას ექსკლუზიურად ქართული პროდუქტებისთვის, რომლის საშუალებითაც „ქართულ“ კომპანიებს შეუძლიათ ხაზი გაუსვან თავიანთი ქართული პროდუქტის უპირატესობებს და ამით გაზარდონ ეროვნული წარმოება.
ორგანიზაციის მიერ ჩატარებული გამოკითხვის შედეგად გაირკვა, რომ ქართველ მომხმარებელთა 69% ქართულ პროდუქციას ანიჭებს გარკვეულ უპირატესობას უცხოურთან შედარებით, ხოლო 15% ყიდვის გადაწყვეტილებას ხშირად პროდუქტის წარმოშობის მიხედვით იღებს. გამოკითხვის შედეგად ასევე გაირკვა, რომ ქართველი მომხმარებლისთვის ხშირად რთულია განასხვავონ ნამდვილად ქართული პროდუქცია იმპორტირებულისგან. ხშირად პროდუქტს აქვს ქართული იარლიყი, თუმცა ის იმპორტირებულია უცხოეთიდან. „იყიდე ქართული“-ს ლოგოს გამოყენების უფლება ექნებათ მხოლოდ იმ კომპანიებს, რომელთა პროდუქციაც დააკმაყოფილებს შესაბამისობის კრიტერიუმებს.
Related Stories
