goodwilldelivery.ge-მ დიდ წარმატებებს მიაღწია. მიუხედავად იმისა, რომ ეს
სერვისი მხოლოდ ერთი თვეა არსებობს, შედეგებმა უკვე გადააჭარბა კომპანიის
მოლოდინს. “საიტი ყოველდღიურად დაახლოებით 500 მომხმარებელს ემსახურება,”
აცხადებს ირინა კოსაშვილი, გუდვილის დირექტორი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
“პროექტი წელიწადის ყველაზე პასიურ პერიოდში, ივლისში დაიწყო, სწორედ ამიტომ კომპანიის იმედები მის წარმატებსათან დაკავშირებით პირველი ორი თვისათვის საკმაოდ მცირე იყო, თუმცა რეალობა სხვანაირი აღმოჩნდა-ინტერნეტ გაყიდვებისადმი ინტერესი გასაოცრად მაღალია. ახლა მომავლისთვისაც უფრო დიდი მოლოდინი გვაქვს,” განაცხადა კოსაშვილმა FINANCIAL-თან ინტერივუში.
goodwilldelivery.ge-ზე 1500-ზე მეტი სახეობის პროდუქტის შეძენაა შესაძლებელი. წლის ბოლოსთვის ნავარაუდებია რაოდენობის 5000-მდე გაზრდა. ონლაინ მაღაზია მომხმარებელს სთავაზობს პროდუქტებს ყოველდღიური მოხმარებისთვის, როგორებიცაა საკვები პროდუქტები, სასმელები, ჰიგიენის ნივთები, საოჯახო საჭიროების ნივთები და ა.შ. ონლაინ მყიდველები სარგებლობენ 5%-იანი ფასდაკლებით და ასევე აგროვებენ ქულებს გუდვილის ბარათებზე.
“დღეისათვის გაყიდვების ლიდერია ხორცპროდუქტები, რძის პროდუქტები და ნატურალური წვენები,” განაცხადა თამარ გელანტიამ გუდვილის გაყიდვების დეპარტამენტის მენეჯერმა.
DHL სთავაზობს goodwilldelivery.ge-ს ტრანსპორტირების მომსახურეობას, მათ აქვთ სამი სახის პაკეტები: 20, 40 და 60 ლიტრიანი და მათი მიწოდების ფასი შესაფერისად 4, 5 და 6 ლარია.
“ონლაინ მაღაზიამ მოსახლეობის ისეთი ნაწილი მიიზიდა, რომლებიც დიდი მანძილის გამო არ იყვნენ ჩვენი მომხმარებლები.’ ამბობს კოსაშვილი. ”შეკვეთებს დიდი ნაწილი თბილისის აღმოსავლეთი ნაწილიდან მოდის, მაგრამ ვაკე-საბურთალოს მაცხოვრებლებიც საკმაოდ აქტიურობენ”
goodwilldelivery.ge-ს საზაფხულო აქციის მეშვეობით შეკვეთა თბილისის მიმდებარე უბნებიდან იგივე ღირს რაც თბილისიდან. შედეგად, მიღებულია მრავალი შეკვეთა წყნეთიდან, წავკისიდან, კოჯრიდან, მცხეთიდან და საგურამოდან.
კოსაშვილი ესაუბრება FINANCIAL-ს მიზეზებს, თუ რატომ ღირს ონლაინ მაღაზიით სარგებლობა: ეს მოსახერხებელია, რადგან მომხმარებელს შეუძლია იყიდოს საქონელი დღის ნებისმიერი მონაკვეთიდან და ნებისმიერი ადგილიდან; ეს კომფორტულია, რადგან კლიენტებს საშუალება ეძლევათ თავი აარიდონ ხალხმრავალ ადგილებს და რიგებს; ისინი ზოგავენ როგორც დროს, ასევე ფულს; მათ აქვთ უკეთესი შესაძლებლობა შეადარონ საქონლის ფასები; ჩვენი ვებ-გვერდიდან შესაძლებელია საჩუქრების, მსოფლიო ს ნებისმიერი ადგილიდან, ყიდვა და გაგზავნა.
“ჩვენ გადაწყვეტილი გვქონდა ონლაინ სუპერმარკეტი გაგვეკეთებინა 2010 წლის დეკემბერში, მაგრამ თვითონ იდეა ამაზე დიდი ხნით ადრე იყო წარმოქმნილი,” გვეუბნება გელანტია. “ბოლო დროს ელექტრონულმა ვაჭრობა მსოფლიო ს საცალო ვაჭრობის დარგში უფრო და უფრო დიდ ადგილს იკავებს. ჩვენმა ჯგუფმა თვალ-ყური ადევნა მსოფლიო ს წარმატებულ ონლაინ სუპერმარკეტების ქსელებს და მათ საქმიანობის პროცესს. დაკვირვებამ და გამოკვლევამ დასკვნამდე მიგვიყვანა, რომ საქართველო მზადაა ამგვარი სიახლისთვის და ამგვარად ჩვენ შემოვთავაზეთ goodwilldelivery.ge ჩვენს მმართველ ჯგუფს.”
goodwill-ის ჯგუფის მიერ ჩატარებულმა გამოკვლევებმა აჩვენა, რომ goodwilldelivery.ge-ს მომხმარებლების უმეტესობა 25-დან 50 წლამდეა და მათი უმეტესი ნაწილი დასაქმებულია.
“ერთი თვის გამოცდილებამ დაამტკიცა ჩვენი გამოკვლევის ჭეშმარიტება,” აღნიშნა გელანტიამ.
goodwilldelivery.ge-ს გაშვების შემდეგ, კომპანიამ დაიქირავა შვიდი ახალი პირი. goodwill პირობას იძლევა, რომ ის თავის კლიენტებს მრავალ სიახლეს შეთავაზებს სექტემბრიდან.
ონლაინ სუპერმარკეტებზე მოთხოვნა მნიშვნელოვნად იზრდება მთელი მსოფლიო ს მაშტაბით. უკანასკნელი წლის მანძილზე მსოფლიო ს წამყვანი ონლაინ სუპერმარკეტების მომხმარებლების რაოდენობა 19%-ით გაიზარდა. ონლაინ ვაჭრობას 2% წილი უკავია მსოფლიო ს მთელ სამომხმარებლო ბაზარზე.
goodwill-ის მიხედვით, 2011 წლის მეორე ნახევარში, ინდივიდუალური ინტერნეტ მომხმარებლების რაოდენობა საქართველოში 1,850,000-ს აჭარბებს. კომპანია ამბობს რომ წინა წლის იგივე პერიოდთან შედარებით ეს რიცხვი 26%-ით გაიზარდა. 2010 წლის მეორე ნახევარში, ინტერნეტ მომხმარებლების რაოდენობა 1,460,000-ს შეადგენდა.
Related Stories
