სემეკისა და ამერიკელი პარტნიორების სამუშაო შეხვედრა ბათუმში დღეიდან
დაიწყება საქართველოს ენერგეტიკისა და წყალმომარაგების მარეგულირებელი
ეროვნული კომისიისა და აშშ–ს კენტუკის შტატის მარეგულირებელი კომისიის
წარმომადგენლების მონაწილეობით დღეს, ბათუმში, რიგით მე–4 სამუშაო შეხვედრა
დაიწყება,იტყობინება ინტერპრესნიუსი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
შეხვედრა ენერგეტიკული პარტნიორობის პროგრამის ფარგლებში გაიმართება და 19 აგვისტოს ჩათვლით გაგრძელდება.
მარეგულირებელი კომისიის ინფორმაციით, ბათუმის მერთან და USAID–ის წარმომადგენლობასთან ერთად, დღევანდელ შეხვედრას საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე გურამ ჩალაგაშვილი გახსნის.
შეხვედრაზე ყურადღება გამახვილდება ისეთ მნიშვნელოვან საკითხებზე, როგორიცაა ელექტროენერგიის განაწილების რეგულირება, მომხმარებელთა უფლებების დაცვა, წყლის სისტემის სტანდარტები და განვითარება, ტარიფების რეგულირება, საზოგადოებრივი ურთიერთობების გაუმჯობესება და სხვა.
კენტუკის შტატის მარეგულირებელი კომისიისა და აშშ–ს კომუნალური მომსახურების მარეგულირებელი ეროვნული ასოციაციის (NARUC) 6 კაციან დელეგაციას შტატის მარეგულირებელი კომისიის აღმასრულებელი დირექტორი ჯეფ დეროუნი უხელმძღვანელებს.
აღნიშნული პარტნიორობის პროგრამა, რომელიც USAID-სა და აშშ–ს კომუნალური მომსახურების მარეგულირებელი ეროვნული ასოციაციის (NARUC) მხარდაჭერით უკვე რამდენიმე წელია ხორციელდება, გამოცდილების გაზიარებას ისახავს მიზნად.
როგორც კომისიაში აღნიშნავენ, ადგილობრივი ენერგეტიკული ბაზრის განვითარებისათვის საერთაშორისო მარეგულირებელ ორგანიზაციებთან თანამშრომლობა მნიშვნელოვანია, რაც USAID-ის შავი ზღვის მარეგულირებელი პარტნიორობის ინიციატივის ფარგლებში ხორციელდება.
სემეკსა და NARUC–ს შორის პარტნიორობას საფუძველი 1999 წელს ჩაეყარა. მიჩიგანისა და ვერმონტის მარეგულირებელ კომისებთან თანამშრომლობამ მნიშვნელოვანი როლი შეასრულა საქართველოს მარეგულირებელი კომისიის მუშაობის გაუმჯობესებაში.
Related Stories
