საქართველოში მცირე და საშუალო ბიზნესს ევროკავშირის ბაზარზე დამკვიდრებაში ევროპის სავაჭრო პალატა დაეხმარება, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
“აღმოსავლეთის პარტნიორობის” პროგრამის“ ფარგლებში პროექტი „ისთ ინვესტი“ საქართველოს გარდა კიდევ 5 ქვეყანაში განხორციელდება. პროექტში მონაწილეობა შეუძლიათ მცირე და საშუალო საწარმოებს, რომლებშიც დასაქმებულთა რაოდენობა არ აღემატება 100 ადამიანს.
საქართველოში პროექტის ერთერთი კოორდინატორის, დამსაქმებელთა ასოციაციის შეფასებით, ქართული მცირე და საშუალო ბიზნესი სთვის „ისთ ინვესტის“ დაწყებით ევროკავშირის ბაზრებზე გასასვლელი გზა იხსნება. ასოციაციის ვიცე–პრეზიდენტის განმარტებით, პროექტი ევროკომისიის ინიცირებულია და გულისხმობს ორი კატეგორიის საწარმოთა დახმარებას. პირველ კატეგორიაში შედიან საწარმოები, რომელთაც აქვთ სავაჭრო ურთიერთობა ევროკავშირის ქვბეყნებთან, ხოლო მეორე კატეგორია იმ საწარმოებს გულისხმობს, რომლებსაც გეგმაში აქვთ ევროკავშიროს ბაზარზე გასვლა.
პროექტი ითვალისწინებს ტრენინგების და სემინარების ჩატარებას მცირე და საშუალო ზომის საწარმოებისათვის, ევროკავშირის ქვეყნების სავაჭრო მისიებში მათ მონაწილეობას, მცირე და საშუალო ზომის საწარმოებისთვის მხარდაჭერის აღმოჩენას მათი ბიზნესი ს გაუმჯობესების და ევროკავშირის ბაზარზე დამკვიდრებისთვის.
დამსაქმებელთა ასოციაციის განცხადებით, პროექტში მონაწილეობის მიღება შეუძლიათ მცირე და საშუალო საწარმოებს ისეთი სფეროებიდან როგორებიცაა აგრო ბიზნესი , ტრანსპორტი და ლოჯისტიკაა, საინფორმაციო და საკომუნიკაციო ტექნოლოგიები, ტურიზმი, ენერგოეფექტური ტექნოლოგიები და ტექ სტილი . საწარმოთა რაიოდენობა ლიმიტირებულია და ორივე კატეგორიიდან 20–20 საწარმო შეირჩევა. პროექტში მონაწილეობის მსურველთა რეგისტრაცია უკვე დაწყებულია და სავარაუდოდ 15 სექტემბრიუსთვის შერჩეული კომპანიების ვინაობა გახდება ცნობილი. საუკეთესოებს ევროპის სავაჭრო პალატა თავად შეარჩევს.
Related Stories
