„საქსტატის“ ყოფილ შენობაში ახალი სავაჭრო ცენტრი დღეს იხსნება, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
მაღაზია „მანგოში“ აცხადებენ, რომ ცენტრის გახსნის შედეგად გამოწვეულ შედეგებზე წინასწარ საუბარი რთულია. „გააჩნია, რა ბრენდები იქნება ახალ სავაჭრო ცენტრში წარმოდგენილი. თუმცა, „მანგოს“ საკუთარი მომხმარებელი ჰყავს და ძნელი წარმოსადგენია, მათი რაოდენობა ახალი სავაჭრო ცენტრის ამუშავებამ მკვთრად შეამციროს,“ – აცხადებენ მაღაზია „მანგოს“ მენეჯმენტში.
„ნოვო ჯგუფის“ მარკეტინგის მენეჯერის ლელა ჩხაიძის განცხადებით, არც „მანგოს“ და არც ამ ჯგუფში შემავალი სხვა მაღაზიების მომხმარებელი ახალ ცენტრში არ გადაინაცვლებს.
რაც შეეხება „ედრესის“ ჯგუფს, მისი ოპერაციული დირექტორი ახალი სავაჭრო ცენტრის გაჩენას ამ ქუჩაზე არსებული მაღაზიებისთვის პირდაპირ კონკურენტად არ განიხილავს. რეზო მაღალაშვილის თქმით, თბილისში დიდი სავაჭრო ცენტრები არცთუ წარმატებულად მუშაობენ.
„მყიდველს სავაჭრო ცენტრში მისთვის სასურველი ბრენდ–მაღაზიის ძებნას ურჩევნია, კონკრეტულ ქუჩაზე მივიდეს და შეიძინოს სასურველი ნივთი. ბრენდ–მაღაზიას ჩვენს სინამდვილეში ეს უპირატესობა აქვს. თუმცა „პეკინი 4“ კომერციულად მომგებიან ადგილას იხსნება. აქ ჩვენი ქსელის მაღაზიებია წაროდგენილი და ბუნებრივია, კონკურენტად განვიხილავთ, მით უმეტეს, რომ ახალ ცენტრში „ნექსტი“ და „ ფი ქოქსი“ იქნება წარმოდგენილი, რომლებსაც უშაულოდ ჩვენს კონკურენტებად განვიხილავთ. თუმცა არ ვაპირებთ ახალი სავაჭო ცენტრისთვის პოზიციების დათმობას, არც ლოდინს იმის გასაგებად, ნამდვილად იქცევა ჩვენს კონკურენტად თუ არა. ამიტომ, ჩვენს მომხმარებელს ისეთ სიახლეებს შევთავაზებთ, ახალი სავაჭრო ცენტრი გახსნა დიდად არ დაგვეტყობა,“ – აცხადებს რეზო მაღალაშვილი.
7 სექტემბერს „ედრესი“ ვაკეში ჭავჭავაძის გამზირზე “ეტამის“ ახალ მაღაზიას ხსნის. გარდა ამისა, „ედრესის“ მსოფლიო ბრენდების ჩამონათვალს ახალი ბრედი შეემატება. დირექტორის თქმით, ახალი ბრენდის შესახებ წლის ბოლომდე გახდება ცნობილი.
Related Stories
