ფრანგული სა ავტომობილ ო გიგანტი „პეჟო“ მოგების შესანარჩუნებლად სამუშაო ადგილებს ამცირებს, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
კომპანიის ხელმძღვანელის განცხადებით, ამ ნაბიჯზე წასვლა მოთხოვნის შემცირებამ და პროდუქციის გაიაფებამ აიძულათ. მსგავსი პროცესები ქართულ ბაზარზეც ფიქსირდება. “პეჟოს” გაყიდვების მენეჯერის ერეკლე გაბუნიას თქმით, ამ ფრანგულ ბრენდზე ქართულ ბაზარზე მოთხოვნა ბოლო ორი წელია მცირდება, რის გამოც მენეჯმენტმა კომპანიაში რეორგანიზაცია დაიწყო.
„ფაქტია, რომ აზიურმა ბრენდებმა, განსაკუთრებით „კიამ,“ „ჰიუნდაიმა“ და „ტოიოტამ“ შეძლეს ფასების მინიმუმამდე შემცირება, მომსახურების ვადებისა და გარანტიის გაზრდა. რაც მთავარია, მათ ხარისხი ევროპული ბრენდების სტანდარტებს მიუახლოვეს, თუმცა მას ნამდვილად ვერ აჯობეს. შედეგად, 2010 წელს წინა წელთან შედარებით ჩვენი რეალიზაცია 20%-ით შემცირდა, წელს კი გასულ წელთან შედარებით გაყიდვები 10%-ითაა დაკლებული,“ - ამბობს გაბუნია. შექმნილ ვითარებაში „პეჟოს“ ცენტრმა გადაწყვიტა, აღმაშენებლის გამზირიდან ძველ ადგილს - ბარნოვის ქუჩას დაუბრუნდეს, სადაც შოუ-რუმი და სერვის ცენტრი გაერთიანდება. ერეკლე გაბუნიას თქმით, სწორედ აქაა კონცენტრირებული „პეჟოს“ ავტომობილ ების პოტენციური მომხმარებელი.
მომხმარებლის შენარჩუნების მიზნით კომპანია ფასდაკლების აქციებსაც ატარებს. ექსპერტების შეფასებით, „პეჟო“ ცდილობს მოგებაში განსხვავება ძირითად კონკურენტ „ფოლკსვაგენთან“ შეამციროს. ამისთვის სპეციალისტების გათვლებით კომპანიას დასჭირდება მოგების 3,7 მილიარდ ევრომდე გაზრდა. თუმცა, ექსპერტებს უჭირთ დაკონკრეტება, როგორ მოახერხებს „პეჟო“ ამ მაჩვენებლებზე გასვლას.
Related Stories
