კომპანია "სარაჯიშვილმა" რუსულ ბაზარზე დაბრუნება "გადაიფიქრა".
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც "პირWელს" კომპანია "სარჯიშვილში" განუცხადეს, "იმ შემთხვევაში, თუ
საქართველო-რუსეთს შორის ურთიერთობები არ დარეგულირდება, "სარაჯიშვილი"
რუსეთის ბაზარზე ცალკე არ დაბრუნდება".
"თუ ჩვენს ქვეყნებს შორის ურთიერთობები მოგვარდება და ბაზარი გაიხსნება, ბუნებრივია, "სარაჯიშვილიც" რუსეთის ბაზარს დაუბრუნდება, მაგრამ ცალკე, მარტო პროდუქციას არ გავიტანთ", - განუცხადა "პირWელს" კომპანიის მარკეტინგის მენეჯერმა ბახვა ბრეგვაძემ.
ამასთან, "პირWელის" კითხვაზე, საერთოდ რატომ მონაწილეობდა კომპანია რუსულ ბაზარზე დაბრუნებასთან დაკავშირებით ბოლოდროინდელ მოლაპარაკებებში, "სარაჯიშვილში" კონკრეტული პასუხი არ აღმოაჩნდათ.
"საუბარი იყო იმაზე, თითქოს ბაზარი საერთოდ იხსნებოდა და ჩვენც ასე გვეგონა, მაგრამ სანამ ბაზარი ყველასთვის არ გაიხსნება, რუსულ ბაზარზე არც ჩვენ დავბრუნდბეით", - აღნიშნა ბრეგვაძემ.
აღსანიშნავია, რომ სოფლის მეურნეობის მინისტრი ზაზა გოროზია გუშინ "სარაჯიშვილის" ქარხანაში მეღვინეებს შეხვდა, თუმცა როგორც "სარაჯიშვილში" ამტკიცებენ, მინისტრისა და მეწარმეების შეხვედრაზე ქართული პროდუქციის რუსეთის ბაზარზე დაბრუნების საკითხზე საუბარი საერთოდ არ ყოფილა.
"სოფლის მეურნეობის მინისტრთან ბევრ საკითხზე ვიმსჯელეთ, მათ შორის - სამომავლოდ ახალი ბაზრების ათვისებაზეც, რასაც ჯერ არ ვახმაურებთ, მაგრამ რუსულ ბაზარზე საუბარი საერთოდ არ ყოფილა", - აცხადებენ კომპანიაში.
შეგახსენებთ, რომ რამდენიმე დღის წინ "პირWელს" კომპანია "საარჯიშვილში" თავად დაუდასტურეს, რომ რუსული "როსპოტრებნადზორი" მათ პროდუქციას სწავლობდა.
"როსპოტრებნადზორს" ქართული კონიაკის რუსულ ბაზარზე დაბრუნების თხოვნით არა ბოლო პერიოდში, არამედ ჯერ კიდევ 2006 წელს მიმართეს, პასუხი კი მხოლოდ ახლა მიიღეს. ჩვენი წერილი ახლა განიხილეს და მოგვწერეს, რომ აინტერესებთ, თუ რა პროდუქციას ვაწარმოებთ, როდიდან და ა.შ. სტავროპოლის მხარიდან მათი ექსპერტები უნდა ჩამოვიდნენ და კონიაკის სინჯები შეისწავლონ. ველოდებით პასუხს", - განუცხადა "პირWელს" სარაჯიშვილის გენერალურმა დირექტორმა გუგუტეიშვილმა.
Related Stories
