„მაკდონალდსი–საქართველოს“ დამფუძნებელმა თემურ ჭყონიამ თბილისის მერიის მიერ გამოცხადებულ აუქციონში მონაწილეობა გადაიფიქრა, იტყობინება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
შეგახსენებთ: მერია წლის ბოლომდე ქალაქში ათასამდე განახლებული ჯიხურის ჩადგმას აპირებს და მათი განთავსების უფლების გაყიდვის მიზნით აუქციონს აწყობს.
7 ნოემბერს გამართულ აუქციონზე გამოტანილი იყო 50 ლოტი. განაცხადი კი 22 ლოტზე შევიდა. აუქციონი გუშინაც იყო ჩანიშნული, თუმცა ჯერჯერობით მისი შედეგები უცნობია. პირველი აუქციონის შესახებ კი commersant.ge-სთვის მხოლოდ ის გახდა ცნობილი, რომ მასში 5 ობიექტზე ჯიხურების განთავსების უფლება კომპანია „ნუგეშმა“ მოიპოვა, რომელსაც რესტორნების უმსხვილესი ქსელის „ემ ჯგუფის“ მეწილის, დეპუტატ არჩილ გეგენავას სახელს უკავშირებენ.
რაც შეეხება თემურ ჭყონიას, მან აუქციონის გამოცხადებისთანავე გააკეთა განცხადება, რომ პროექტისთვის ბიზნეს–გეგმა და კონკრეტული გათვლები უკვე გაკეთებული აქვს.დღეს კი ჭყონია აცხადებს, რომ აუქციონში მონაწილეობაზე უარი საკუთარი ნებით თქვა, მიზეზად კი მცირე ბიზნესი ს განვითარების ხელშეწყობა დაასახელა.
„ეს აუქციონი მცირე ბიზნესი სთვისაა გამოცხადებული. ამიტომ, მცირე მეწარმეებისთვის შემაფერხებელ ფაქტორად რომ არ ვქცეულიყავით, აუქციონში მონაწილეობაზე შეგნებულად ვთქვით უარი,“ - აცხადებს ჭყონია.
Related Stories
