საქართველო-რუსეთის ბიზნეს-განვითარების საბჭოს თავმჯდომარის დავით
ზოდელავას მტკიცებით, "რუსეთის მთავარ სანიტარ გენადი ონიშჩენკოს
საქართველოში პირადად სურს ჩამოსვლა".
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ამის შესახებ ზოდელავამ "პირWელს" რუსულ ბაზარზე ქართული ციტრუსის დაბრუნების საკითხთან დაკავშირებით მიმდინარე პროცესის კომენტირებისას განუცხადა.
მისივე თქმით, "საქართველოში ჩამოსვლას "როსსელნადზორის" ექსპერტებიც გეგმავენ, მაგრამ მანამდე ამაზე ქართული მხარის რეაქცია აინტერესებთ".
"ისინი, ცოტა არ იყოს, შეშფოთებულნი არიან და აინტერესებთ, არის თუ არა ქართული მხარე მათ მისაღებად მზად. ამ ეტაპზე ექსპერტთა ჩამოსვლის ვადების დადგენა მიმდინარეობს", - აღნიშნა ზოდელავამ.
ამასთან, როგორც დავით ზოდელავა აცხადებს, რუსეთის ბაზარზე ქართული ციტრუსის შეტანის სურვილი უკვე ოთხმა ქართულმა კომპანიამ დააფიქსირა.
შეგახსენებთ, რომ საქართველო-რუსეთის ბიზნეს-განვითარების საბჭო, რომელიც ოფიციალურად მიმდინარე წლის 18 ნოემბერს დაფუძნდა, რუსულ ბაზარზე ციტრუსის დაბრუნების ინიციატივით გამოდის.
როგორც საბჭოს თავმჯდომარე აცხადებს, "რუსეთის მსო-ში გაწევრიანებასთან დაკავშირებით საქართველოს თანხმობამ ორ ქვეყანას შორის ეკონომიკური ურთიერთობების აღდგენა ისევ აქტუალური გახადა".
"საბჭოს მიზანია, საქართველო-რუსეთის ურთიერთობების დარეგულირებაში ჩვენი წვლილი შევიტანოთ. პირველ ეტაპზე, სეზონის გათვალისწინებით, ციტრუსების გატანის საკითხზე ვიმუშავებთ. ვფიქრობთ, ჩამოვაყალიბოთ ლაბორატორია და მისი ნორმალური ფუნქციონირებისთვის ნორმალური საკანონმდებლო ბაზა შევქმნათ. მსოფლიო ში არაერთი მაგალითია იმისა, რომ ქვეყნებს შორის არსებული პოლიტიკური დაძაბულობის მიხუხედავად, მათ შორის საქმიანი ურთერთობები არ წყდება" - განაცხადა ზოდელავამ და დასძინა, რომ "ამ პროგრამის სიკეთეს არა ცალკე ბიზნეს-სტრუქტურა, არამედ საქართველოს მოსახლეობის მნიშვნელოვანი ნაწილი - ფერმერები იგრძნობენ".
Related Stories
