რადიო კომერსანტის ცნობით, გავლენიანმა რუსულმა გამოცემამ ,,ფინანსმა” 2011 წლის მილიარდერთა და
მილიონერთა რეიტინგი გამოაქვეყნა, სადაც 5 ქართველი ბიზნესმენი მოხვდა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ესენია: დავით იაკობაშვილი, დავით პანიკაშვილი, პაატა გამგონეიშვილი , ვიაჩესლავ მირილაშვილი და ბორის ივანოვი (იგივე ბიძინა ივანიშვილი).
ხუთ ქართველ ბიზნესმენთა შორის ყველაზე მდიდარი, რა თქმა უნდა, ბიძინა ივანიშვილია, რომელიც რეიტინგში 27–ე ადგილზეა 5 მილიარდი დოლარით. ხუთეულიდან მეორე ადგილს დავით იაკობაშვილი იკავებს, მთლიან რეიტინგში კი იაკობაშვილი 134–ე ადგილზეა და 830 მილიონ დოლარს ფლობს.
იაკობაშვილმა ბიზნესი რუსეთში 1988 წელს დაიწყო, როდესაც სილამაზის სალონი ,,ჟენშენი” დააარსა. ამას მოჰყვა კაზონო ,,ჩერი”. 1992 წელს კი დააფუძნა ჯგუფი ,,ვიმ–ბილ–დანი საკვები პროდუქტები”. გარდა ამისა, იაკობაშვილი აგრო ბიზნესი ს, უძრავი ქონებისა და გასართობი ინდურტრიის სფეროებში მის მიერვე დაფუძნებული რამდენიმე კომპანიის დირექტორთა საბჭოს წევრია.
რეიტინგის მიხედვით 140–ე ადგილს 26 წლის ვიაჩესლავ მირილაშვილი იკავებს, რომლის ქონება 790 მილიონ დოლარს შეადგენს.
მირილაშვილი სოციალური ქსელი «В Контакте» თანამფლობელია, რომლის მომხმარებელთა რიცხვი დაახლოებით 24 მილიონია. 26 წლის ბიზნესმენი ასევე ცნობილი ბიზნესმენის, მიხეილ მირილაშვილის ვაჟია.
მომდევნო ადგილები კი ,,ფინანსის” რეიტინგში ფარმა-დისტრიბუტორი კომპანიის ,,როსტას” დამფუძნებლებმა დავით პანიკაშვილმა და პაატა გამგონეიშვილმა დაიკავეს. დავით პანიკაშვილი რეიტინგში 192–ე ადგილზეა, 570 მილიონი დოლარით. ხოლო გამგონეიშვილი ბანკ ,,Славянский кредит”-ის დამფუძნებელია და მისი ქონება 290 მილიონს შეადგენს. ის რეიტინგში 323–ე ადგილზეა.
Related Stories
