2011 წელს ქვეყანაში 54 076 ბიზნეს სუბიექტი დარეგისტრირდა (საშუალოდ თვეში 4 506 ერთეული).
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც ”ინტერპრესნიუსს” საჯარო რეესტრის სააგენტოდან აცნობეს, მათ შორის 97.7% სამეწარმეო სუბიექტია (ინდივიდუალური მეწარმე, სოლიდარული პასუხისმგებლობის საზოგადოება, შეზღუდული პასუხისმგებლობის საზოგადოება, სააქციო საზოგადოება, კომანდიტური საზოგადოება, კოოპერატივი, უცხოური სამეწარმეო იურიდიული პირის ფილიალი), ხოლო 2.3% - არასამეწარმეო სუბიექტი (არასამეწარმეო იურიდიული პირი, უცხოური არასამეწარმეო იურიდიული პირის ფილიალი). 2011 წლის დეკემბერში რეგისტრირებული ბიზნეს სუბიექტების რაოდენობამ 5 430 ერთეული (5 284 სამეწარმეო და მხოლოდ 146 არასამეწარმეო სუბიექტი) შეადგინა. ამავე თვეში ბიზნესი ს რეგისტრაციის თვის ინდექსი (დეკემბერი 2010=100) 1.241 დონეზე დაფიქსირდა.
2011 წელს ბიზნეს სუბიექტების რაოდენობას წინა წლის იმავე თვესთან შედარებით უპირატესად ზრდის ტენდენცია (საშუალოდ 18.4%-ით) ახასიათებს: იანვარში - ზრდა 39.2%-ით, თებერვალში - კლება 26.3%-ით, მარტში - ზრდა 7.2%-ით, აპრილში - ზრდა 11.3%-ით, მაისში - ზრდა 23.6%-ით, ივნისში - ზრდა 24.1%-ით, ივლისში - ზრდა 55.6%-ით, აგვისტოში - ზრდა 42.4%-ით, სექტემბერში - ზრდა 21.7%-ით, ოქტომბერში - ზრდა 8.3%-ით, ნოემბერში - კლება 10.7%-ით, დეკემბერში - ზრდა 24.1%-ით.
ამასთან, დეკემბერში ბიზნეს სუბიექტების რაოდენობა წინა თვესთან შედარებით 31.3%-ით გაიზარდა (სამეწარმეო სუბიექტების რაოდენობა 31.0%-ით, ხოლო არასამეწარმეო სუბიექტების რაოდენობა 43.1%-ით).
Related Stories
