ამერიკულ სამთავრობო ორგანიზაცია "უცხოური კერძო საინვესტიციო კორპორაცია" (OPIC) და ღვინის მწარმოებელ კომპანია "თელიან ველს" შორის 15 მლნ აშშ დოლარის პროექტი გაფორმდა, იუწყება ინტერპრესნიუსი.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

OPIC უმსხვილესი ამერიკული სამთავრობო ორგანიზაციაა, რომელიც კონგრესის უშუალო დაქვემდებარებაშია და ხელს უწყობს, სხვადასხვა ქვეყნებში ამერიკული კაპიტალის მქონე კერძო ბიზნესი ს განვითარებას. კომპანია "თელიანი ველის" 25 %–ის მფლობელი სწორედ ამერიკული ფონდი Fire Birds–ია.

მოლაპარაკება პროექტის განხორციელებაზე, "თელიან ველსა" და OPIC-ს შორის ორი წლის განმავლობაში მიმდინარეობდა. წარმატებული შეთანხმების შემდეგ, პირველი ტრანსაქცია 5 მლნ აშშ დოლარის ოდენობით ამერიკის შეერთებული შტატებისა და საქართველოს პრეზიდენტების პირისპირ შეხვედრის შემდეგ განხორციელდა. თეთრი სახლის ოვალურ დარბაზში პრეზიდენტების შეხვედრის დროს ბარაქ ობამა მ განაცხადა, რომ OPIC საქართველოში კერძო ბიზნესი ს განვითარებაში აქტიურად არის ჩართული.

OPIC–ისა და "თელიანი ველის" ერთობლივი პროექტიდან 8 მლნ აშშ დოლარი გრძელვადიან სესხს OPIC გამოყოფს და 7 მლნ აშშ დოლარის ინვესტიციას თავად ღვინის მწარმოებელი ქართული კომპანია განახორციელებს. თანხა ქართული ღვინის ექსპორტს, დამატებითი პროდუქციის შექმნას, ღვინის ტურიზმის განვითარებასა და ამ დარგის აღორძინებას მოხმარდება.

საქართველოში მოწინავე ღვინის მწარმოებელი კომპანია "თელიან ველი", სხვადასხვა სახის პროდუქციის დისტრიბუციას მსოფლიო ს 25 ქვეყანაში აწარმოებს, მათ შორის აშშ-ში.

აღნიშნულ თემაზე "თელიანი ველის" გენერალური დირექტორი შოთა ხობელია დღეს, 16:00 საათზე, სასტუმრო "თბილისი მერიოტში" სპეციალურ პრესკონფერენციას გამართავს.

Related Stories

• საქართველოში ფასები მცირდება
• რატომ ვერ უწევს კონკურენციას ქართული პომიდორი თურქულს
• ქუთაისის ინდუსტრიულ ზონაში მარკეტინგის და ბაზრების პრობლემის არსებობას უარყოფენ