თურქეთი გაზსადენ "ნაბუქოს" პროექტს მხარდაჭერას აღარ აღმოუჩენს და პრიორიტეტს TANAP-ის განვითარებას მიანიჭებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
როგორც ინტერპრესნიუსი იუწყება, თურქული მედიის ცნობით, ამის შესახებ თურქეთის ენერგეტიკის სამინისტროს ოფიციალურმა წარმომადგენელმა განაცხადა.
მისი თქმით, თურქეთი "ნაბუქოს" კონსორციუმში რჩება, თუმცა, ახლა პრიორიტეტულია TANAP-ის განვითარება, რამდენადაც ის "ნაბუქოზე" გაცილებით მარტივად განხორციელებადია.
თურქეთის ენერგეტიკის სამინიტროს წარმომადგენელი აღნიშნავს, რომ "ნაბუქოსგან" განსხვავებით TANAP-ი თურქეთის უკვე არსებული გაზსადენებით ისარგებლებს.
"TANAP-ი გაატარებს მხოლოდ იმ გაზს, რომელიც აზერბაიჯანიდან მოედინება, "ნაბუქო" კი ვალდებულია, ეძებოს გაზის სხვა წყაროები, რათა კომერციულად სიცოცხლისუნარიანი იყოს", - აცხადებენ სამინისტროში.
~ნაბუქოს~ გაზსადენი კასპიის რეგიონში და ცენტრალურ აზიაში მოპოვებული გაზის საქართველოს და თურქეთის გავლით ევროპაში ტრანსპორტირების მიზნით უნდა აშენდეს. "ნაბუქოს~ კონსორციუმის ინფორმაციით, გაზსადენის მშენებლობა 2013 წელს დაიწყება, ხოლო ევროპისთვის გაზის მიწოდება - 2017 წელს. გაზსადენის საპროექტო საინვესტიციო ღირებულება 12-15 მლრდ ევრომდე გაიზარდა, ნაცვლად ადრე დასახელებული 7,9 მლრდ აშშ დოლარისა.
Related Stories
