“ საქართველოს ეროვნული ბანკი ს შესახებ” საქართველოს ორგანული კანონის,
“დაზღვევის შესახებ” და „არასახელმწიფო საპენსიო დაზღვევისა და
უზრუნველყოფის შესახებ“ საქართველოს კანონების საფუძველზე, საქართველოს
ეროვნული ბანკი ახორციელებს ზედამხედველობას სადაზღვევო ბაზარზე.
|
| წაიკითხე სმარტფონში |  |
|
სადაზღვევო ბაზრის რეგულირების კუთხით საქართველოს ეროვნული ბანკი ს მიზანია სადაზღვევო ბაზრის განვითარების ხელშეწყობა კონკურენტუნარიანობისა და სამართლიანობის პრინციპებზე დაყრდნობით, სადაზღვევო საქმიანობის გამჭვირვალობისა და საიმედოობის უზრუნველყოფა, სადაზღვევო კომპანიების გადახდისუნარიანობის კონტროლი. აგრეთვე, საქართველოს ეროვნული ბანკი ს მიზანია დაიცვას მზღვეველთა, დამზღვევთა და დაზღვეულთა ინტერესები.
სადაზღვევო ბაზრის ზედამხედველობის მიზნით საქართველოს ეროვნული ბანკი გასცემს და აუქმებს სადაზღვევო საქმიანობის ლიცენზიებს, აწარმოებს სადაზღვევო ბროკერების რეგისტრირებასა და რეგისტრაციის გაუქმებას, ადგენს სადაზღვევო კომპანიებისათვის მინიმალური კაპიტალის და სხვა მოთხოვნებს, იღებს შესაბამის ნორმატიულ აქტებს დაზღვევის ზედამხედველობასთან დაკავშირებულ საკითხებთან მიმართებაში, ამოწმებს მზღვეველების საქმიანობას, აწესებს სანქციებს იმ სადაზღვევო კომპანიების მიმართ, რომლებიც არღვევენ საქართველოს კანონმდებლობით დადგენილ მოთხოვნებს, ახორციელებს მზღვეველის დროებითი ადმინისტრაციის, ლიკვიდაციისა და გაკოტრების საქმის წარმოების პროცესს.
საქართველოს ეროვნული ბანკი აგრეთვე ახორციელებს საპენსიო სქემის დამფუძნებლების რეგისტრაციას, საპენსიო სქემების შეფასებას, რეგისტრაციას, შემდგომ მონიტორინგსა და რეგისტრაციის გაუქმებას.
სადაზღვევო ზედამხედხველობის მიზნების ეფექტურად განხორციელებისა და საერთაშორისო პრაქტიკის დანერგვის კუთხით, საქართველოს ეროვნული ბანკი გაწევრიანებულია დაზღვევის ზედამხედველთა საერთაშორისო ასოციაციაში, აქტიურად მონაწილეობს საერთაშორისო კონფერენციებში, სემინარებსა და ტრენინგებში.
Related Stories
