| “ბლოკ-ჯორჯიას” სადაზღვევო კომპანიები ჩაანაცვლებენ |
|
08/04/2010 13:19 (670 დღე 19:28 minutes ago) | ||||||||||||
|
ბაზარზე ახლადგამოჩენილი “ალფა” თბილისში 100 ათასზე მეტ მოქალაქეს ერთპიროვნულად დააზღვევს – ეს უფლება „ალფამ“ გუშინ გამართულ ტენდერში მოიპოვა, იტყობინება რადიო კომერსანტი.
„ალფა“ თბილისში უმწეოებს, პედაგოგებსა და კომპაქტურად ჩასახლებულ დევნილებს დააზღვევს. ამასთან, კომპანია 3 წლის განმავლობაში შიდა ქართლის და გურიის მოსახლეობის დაზღვევასაც უზრუნველყოფს. პარალელურად კასპსა და ოზურგეთში კლინიკებსაც ააშენებს. “ალფას” გამარჯვებაში გადამწყვეტი ფასი აღმოჩნდა. თუმცა, რა დაუჯდა “ალფას” ეს გამარჯვება, ჯერ არ სახელდება. გუშინდელ ტენდერში 14 სადაზღვევო კომპანიიდან მონაწილეობა ცხრამ მიიღო. გამარჯვებულები მთლიანობაში მილიონ მოქალაქეს დააზღვევენ და პარალელურად 100 საავადმყოფოს პროექტში „ბლოკ–ჯორჯიასაც“ ჩაანაცვლებენ. სადაზღვევოები ქვეყანაში 45 საავადმყოფოს მშენებლობის ვალდებულებას იღებენ.
ტენდერს კი წინ უძღოდა საქართველოს ჯანდაცვის მინისტრის განცხადება – ალექსანდრე კვიტაშვილმა სადაზღვევო ბაზარზე არსებულ კორუფციულ გარიგებებზე ისაუბრა. მისი თქმით, ვაუჩერებზე ფიქსირებული გადასახადის არსებობის გამო, სახელმწიფო სადაზღვევო ვაუჩერების მოპოვებაზე სადაზღვევო კომპანიებს შორის ერთგვარი ბრძოლა მიმდინარეობდა. ამან კი გარკვეული კორუფციული გარიგებებიც გააჩინა. ამიტომ, მინისტრის განმარტებით, ვაუჩერის ფასი ფიქსირებული აღარ იქნება და ტენდერის შედეგად დადგინდება.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
