| ახალ სადაზღვევო ტენდერში თბილისის მასშტაბით კვლავ „ალფამ“ გაიმარჯვა |
|
21/04/2010 14:47 (658 დღე 03:40 minutes ago) | ||||||||||||
|
ხელახალ სადაზღვევო ტენდერში თბილისის მასშტაბით უმწეოების, პედაგოგების და კომპაქტურად ჩასახლებულ დევნილების დაზღვევის უფლება წინა ტენდერის მსგავსად კვლავ ბაზარზე რამდენიმე თვის წინ შემოსულმა „ალფამ“ მოიპოვა, იტყობინება რადიო კომერსანტი.
გარდა ამისა, 3 წლის განმავლობაში შიდა ქართლის და გურიის მოსახლეობას დააზღვევს და კასპსა და ოზურგეთში კლინიკებსაც ააშენებს.
გუშინ მოულოდნელად დანიშნულ ხელახალ ტენდერში 10 კომპანია მონაწილეობდა. ტენდერის პირობები გამკაცრებული იყო. სადაზღვევო ვაუჩერის ღირებულება 180–დან 144 ლარამდე შემცირდა. ასევე ძალაში დარჩა სადაზღვევო კომპანიებისთვის 100 საავადმყოფოს პროექტში მონაწილეობის ვალდებულება. ჩვენს ხელთ არსებული ინფორმაციით, სადაზღვევო ტენდერის შედეგებს ჯანდაცვის სამინისტრო სამ დღეში გამოაცხადებს. 7 აპრილის ტენდერში 9 სადაზღვევო კომპანია მონაწილეობდა. თუმცა, ჯანდაცვის მინისტრმა ტენდერი ჩაშლილად გამოაცხადა. ალექსანდრე კვიტაშვილმა სადაზღვევო ბაზრის მოთამაშეები კარტელურ გარიგებაში დაადანაშაულა და განაცხადა, რომ პირველი ტენდერის მიმდინარეობისას დაკარგული იყო კეთილსინდისიერების მომენტი რაც ხელახალ ტენდერში უნდა გამოირიცხოს.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
