| სადაზღვეო ტენდერის ოფიციალური შედეგები დღეს გახდება ცნობილი |
|
30/04/2010 15:06 (649 დღე 02:42 minutes ago) | ||||||||||||
|
სადაზღვეო ტენდერის ოფიციალური შედეგები დღეს გახდება ცნობილი. წინასწარი ინფორმაციით, სადაზღვევო ბაზარზე რამდენიმე თვის წინ გამოჩენილმა კომპანია "ალფამ" თბილისის ლოტი უპრეცედენტოდ დაბალი ფასით – ერთ დაზღვეულზე 9,4 ლარის შეთავაზებით მოიგო.
აღნიშნული სადაზღვეო კომპანია თბილისში უმწეოებს, პედაგოგებს და კომპაქტურად ჩასახლებულ დევნილებს დააზღვევს, ასევე უზრუნველყოფს შიდა ქართლის და გურიის მოსახლეობის დაზღვევას, სამი წლის განმავლობაში კი კასპსა და ოზურგეთში კლინიკებს ააშენებს. რეგიონებში კი თბილისისგან განსხვავებით სადაზღვევო ვაუჩერის ფასი 11,3 ლარია, იტყობინება პირWელი.
კახეთის მოსახლეობის დაზღვევის უფლება "არქიმედეს გლობალ ჯორჯიამ" მიიღო, სამცხე–ჯავახეთის და აჭარის ლოტები "იმედი ელმა" და "ჯი პი აი ჰოლდინგმა" გაინაწილეს. სამეგრელოს ლოტი "ვესტმა" მოიგო, ქვემო ქართლი – "ირაომ", ხოლო იმერეთი სადაზღვევო ბაზრის ლიდერმა "ალდაგი ბი სი აიმ". ტენდერის შედეგებზე ოფიციალურ განცხადებას დღეს იაშვილის სახელობის კლინიკაში, პრემიერ-მინისტრი ნიკა გილაური და ჯანდაცვის მინისტრი ალექსანდრე კვიტაშვილი სპეციალურ ბრიფინგზე გააკეთებენ. როგორც ცნობილია, სადაზღვეო ტენდერი 19 აპრილს გამოცხადდა.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
