საქართველოს ეროვნული ბანკი ს მიერ გამოქვეყნებული 2011 წლის პირველი ექვსი
თვის მონაცემებით, "ჯიპიაი ჰოლდინგი" სადაზღვევო ბაზრის ლიდერია.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ბანკის ინფრომაციით, კომპანიის მიერ მოზიდულმა პრემიამ ჯამში 33 577 360 ლარი შეადგინა, რაც წინა წლის ამავე პერიოდთან შედარებით, 11%-ით მეტია, იუწყება პირWელი.
"ჯიპიაი ჰოლდინგის" გენერალური დირექტორის გიორგი კვირიკაძის განცხადებით, "ამ შედეგის უკან თითოეული თანამშრომლის ძალისხმევა და მენეჯმენტის მიერ სწორად შერჩეული სტრატეგია დგას".
"ჩვენს სტრატეგიულ მიმართულებად კვლავაც ჯანმრთელობის დაზღვევა რჩება. მიუხედავად იმისა, რომ სახელმწიფო პროგრამით სადაზღვევო პრემია დაახლოებით 30%-ით შემცირდა, ეს ჩვენს პორტფელზე არ ასახულა, ვინაიდან კორპორაციული და ინდივიდუალური კლიენტების რაოდენობა მნიშნელოვნად გაიზარდა. ამასთან, ზრდა რამდენიმე სხვა მიმართულებითაც - არასიცოცხლის სახეობებში გვაქვს. შესაბამისად, მთლიან პორტფელში სახელმწიფო პროგრამების წილი 33%-მდეა შემცირებული, რაც ჩვენს პორტფელს უფრო დივერსიფიცირებულს ხდის. ამ ფაქტორების გათვალისწინებით, უნდა ითქვას, რომ “ჯიპიაი ჰოლდინგი“ საქართველოში მოქმედ სადაზღვევო კომპანიებს შორის ყველაზე სტაბილური და საიმედო კომპანიაა", - განაცხადა კვირიკაძემ.
მისივე თქმით, კომპანიას ზრდის ტემპების წლის ბოლომდე შენარჩუნება აქვს დაგეგმილი და ამისთვის შესაბამისი გეგმაც არსებობს.
"ჩვენი ფილიალების სახით მთელს საქართველოში ერთ-ერთი ყველაზე მძლავრი ქსელი გვაქვს და ჩვენი მომხარებლების რაოდენობაც დღითიდღე იზრდება. გვეამაყება, რომ საქართველოში სადაზღვევო კულტურის ჩამოყალიბებაში მნიშვნელოვანი წვლილი შეგვაქვს", - დასძინა კვირიკაძემ.
Related Stories
