| შემოსავლების სამსახურის კიდევ ერთი ახალი სერვისი მომხმარებლისთვის |
|
08/04/2010 13:50 (671 დღე 04:28 minutes ago) | ||||||||||||
|
ფინანსთა სამინისტროს შემოსავლების სამსახური განაგრძობს მომხმარებლებისთვის ახალი სერვისების შეთავაზებას.
მიმდინარე წლის 7 აპრილს ფინანსთა სამინისტროს შემოსავლების სამსახურის უფროსმა გიორგი ცხაკაიამ ახალი მომსახურების დეტალები მედიას გააცნო. გამარტივებული მომსახურება გადამხდელს სთავაზობს რეგისტრაციას ონლაინ რეჟიმში.
იმისთვის, რომ ფიზიკურმა პირმა ისარგებლოს ელექტრონული დეკლარირების სერვისით, მას აღარ მოუწევს რეგისტრაციის გავლა საგადასახადო ორგანოში, იუწყება ფინანსთა სამინისტრო.
ამისთვის, იგი უნდა შევიდეს ფინანსთა სამინისტროს ვებ-გვერდზე www.mof.ge დააჭიროს ღილაკს - ვიდეოზარით აქტივაცია, შეავსოს სარეგისტრაციო ფორმა და ონლაინ-რეჟიმში დაუკავშირდეს ოპერატორს. ოპერატორი მოახდენს მომხმარებლის იდენტიფიკაციას და დარეგისტრირებას. ავტორიზაციის შემდეგ ვებ-პორტალზე დარეგისტრირებულ მომხმარებელს უკვე შეუძლია ისარგებლოს შემოსავლების სამსახურის ელექტრონული დეკლარირების სწრაფი და მოქნილი სერვისით.
„2010 წლის განმავლობაში მომხმარებლებს ჩვენ ბევრი ახალი სერვისის შეთავაზებას დავპირდით. აღნიშნული მომსახურებაც ამ დაპირების ნაწილია და მიზნად ისახავს მაქსიმალურად მოსახერხებელი და სწრაფი სერვისის შეთავაზებას. თუ აქამდე ელექტრონული დეკლარირების სერვისით სარგებლობისთვის, მაინც საჭირო იყო საგადასახადო ორგანოში მისვლა რეგისტრაციისათვის, დღეიდან ეს სერვისიც ონლაინ-რეჟიმში ხორციელდება,” - განაცხადა შემოსავლების სამსახურის უფროსმა გიორგი ცხაკაიამ.
მისი თქმით, შემოსავლების სამსახური მომხმარებელს წლის განმავლობაში სხვა სერვისებსაც შესთავაზებს, რითაც გადამხდელის ურთიერთობა ქვეყნის ფისკალურ სამსახურებთან კიდევ უფრო მოსახერხებელი და მარტივი იქნება.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
