საქართველოს განათლებისა და მეცნიერების მინისტრის პირველმა მოადგილემ აკაკი სეფერთელაძემ კონკურსში - ”Junior- საქართველოს საზაფხულო სკოლა” გამარჯვებული მოსწავლეები, საუკეთესო უცხოენოვანი ესსეების შექმნისთვის სიგელებითა და ბრიტანეთის, საფრანგეთისა და გერმანიის საზაფხულო სკოლის საგზურებით დააჯილდოვა.

Email Print TwitterFacebookMySpace DelicousStumbleDigg More Destinations... ADVERTISEMENT

კონკურსი განათლებისა და მეცნიერების სამინისტროს მხარდაჭრით, ჟურნალის „Junior- საქართველო” მიერ იყო ორგანიზებული და მასში  მთელი საქართველოს მასშტაბით 100-მდე 11-დან 18 წლამდე ასაკის მოსწავლე მონაწილეობდა.  მოზარდებს 3-3 სხვადასხვა თემატიკაზე შექმნილი ესსე უნდა წარმოედგინათ ინგლისური, ფრანგული ან გერმანული ენებიდან ერთ-ერთზე.   სამივე ენაში თითო გამარჯვებული გამოვლინდა, რომლებიც  2 კვირით  შესაბამისი ქვეყნის საზაფხულო სკოლაში გაემგზავრებიან - საფრანგეთში 12 წლის ნატალი გოგინაშვილი თბილისიდან, გერმანიაში 17 წლის ანა შარაშენიძე ქუთაისიდან, ხოლო ინგლისში 16 წლის ალექსანდრე შატბერაშვილი თბილისიდან.

ჟურნალი „Junior- საქართველო” წარმოადგენს ცნობილი ფრანგული ჟურნალის „Junior Science & Vie“-ს ქართულ, ლიცენზირებულ გამოცემას. ეს არის პირველი საერთაშორისო, სამეცნიერო–პოპულარული   ჟურნალი ქართულ მედია ბაზარზე, განკუთვნილი 11–დან 18 წლამდე მოზარდებისთვის. ჟურნალი საშუალებას აძლევს მოზარდებს გაეცნონ მსოფლიო ს ყველაზე საინტერესო სამეცნიერო პროექტებს, უახლეს აღმოჩენებს, ტექნოლოგიურ მიღწევებს, გაიგონ როგორ შენდებოდა პირამიდები და არის თუ არა სიცოცხლე მარსზე, როგორ შეიქმნა ინტერნეტი, ვინ გამოიგონა პირველი რობოტი, მობილური ტელეფონი  ა.შ.

ჟურნალი გამოიცემა საფრანგეთში, გერმანიაში, იტალიაში, არაბეთის გაერთიანებულ ემირატებში, რუსეთში, ჩინეთში და სხვა ქვეყნებში. გარდა რუსეთისა, ქართული გამოცემა პირველი მცდელობაა პოსტ–საბჭოთა სივრცეში მსგავსი პროექტის დანერგვის. ჟურნალის პოპულარობა აღნიშნულ ქვეყნებში ტირაჟით განისაზღვრება, რაც საფრანგეთში შეადგენს თვეში 500 000 ეგზემპლარს, ისევე როგორც გერმანიასა და იტალიაში.

ჟურნალი „Junior“  ქართულ ენაზე გამოდის 2009 წლიდან, ტირაჟი შეადგენს 5 000 ეგზემპლარს თვეში. „Junior“- საქართველოში გამოქვეყნებული სტატიები როგორც შინაარსობრივად ისე ვიზუალურად ძალიან მაღალი ხარისხისაა და მისი მომხმარებლები სკოლის მოსწავლეებია.

Related Stories

• 2010 წლის აგვისტოს ინფლაცია საქართველოში
• საქსტატმა ბიზნეს ასოციაციებისთვის საინფორმაციო პაკეტი მოამზადა
• საქსტატი ინტერვიუერთა ქსელის გადახალისებას იწყებს