| ბი ჯი კაპიტალი: სამომხმარებლო ფასების ინდექსი კვლავ იზრდება |
|
09/06/2011 17:47 (348 დღე 06:02 minutes ago) | ||||||||||||
|
"ბი ჯი კაპიტალის" ინფორმაციით, სამომხმარებლო ფასების ინდექსის ზრდა გასულ წელთან შედარებით მაისში 14.3%–ს გაუტოლდა მაშინ, როდესაც აპრილში წლიური ზრდა 13.5%–ს შეადგენდა.
სურსათზე ფასები 31%–ით გაიზარდა გასულ წელთან შედარებით, რომლის წილი წლიურ ინფლაციაში 12.6 პროცენტულ პუნქტს გაუტოლდა.
გიორგი ირემაშვილი, სააქციო კაპიტალის ბაზრის ანალიტიკოსი, ბი ჯი კაპიტალი: სამომხმარებლო ფასების ინდექსის ზრდა კვლავ განპირობებულია სურსათის პროდუქტებზე ფასების გლობალური ზრდით, თუმცა ასევე ნიშანდობლივია მომსახურების სექტორში ფასების ზრდა (ტრანსპორტის სექტორში ფასები 8.7%–ით გაიზარდა გასულ წელთან შედარებით). ჩვენი პროგნოზით, სამომხმარებლო ფასების ზრდა 2011 წლის ბოლოსთვის ერთ ციფრიან ნიშნულამდე დაიკლებს, რადგანაც სურსათის პროდუქტებზე ფასების ზრდა შემცირდება. ჩვენ ასევე ვფიქრობთ, რომ საქართველოს ეროვნული ბანკი ს მხრიდან მონეტარული პოლიტიკის გამკაცრება ამჟამად მოსალოდნელი არ არის.
მხოლოდ დარეგისტრირებულ მომხმარებლებს, ან ფეისბუკის ქსელის წევრებს შეუძლიათ კომენტარის დაწერა! |
|
|
