საქართველოში პოპულარული რუსული ტელე-არხ "ენ–ტე–ვე პლიუსის" ანალოგი
იქმნება.
|
| წაიკითხე სმარტფონში |  |
|
კომპანია "ჯი-ემ-ჯი", რომლის გენერალური პროდიუსერი "იმედის" ყოფილი გენერალური დირექტორი ბიძინა ბარათაშვილია, შემოდგომიდან 6–არხიანი პაკეტის გავრცელებას საკაბელო საშუალებებით დაიწყებს.
მაუწყებლობა პირველ ეტაპზე თბილისზე, შემდეგ კი მთელ საქართველოზე გავრცელდება. პაკეტში შევა ორი სპორტული, ორი კინო, ერთი საბავშვო და ერთიც სერიალების არხი. ბიძინა ბარათაშვილის განცხადებით, ამ დროისათვის ტექნიკური ბაზის მომზადება მიმდინარეობს.
მისი თქმით, ეს დაახლოებით "ენ–ტე–ვე პლიუსის" ანალოგია, სადაც ყველაფერი ქართულენოვანი და ლიცენზირებული იქნება. კომპანიას ევროპის ყველაზე წარმატებული ოთხი საფეხბურთო ჩემპიონატის ჩვენების უფლება უკვე ნაყიდი აქვს.
ბაზრის ერთ-ერთი უმსხვილესი მოთამაშე “აიეტში” "ენ–ტე–ვე პლიუსის" ქართული ანალოგის გამოჩენას სიფრთხილით უყურებენ. კომპანიაში ამბობენ, რომ ახალი მოთამაშის ამოქმედებას დაელოდებიან და შეფასებებს შემდეგ გააკეთებენ. თუმცა, მენეჯმენტის განცხადებით „აიეტი“ მომხმარებელს უმაღლეს ხარისხს და ლიცენზირებულ მაუწყებლობას სთავაზობს. “აიეტის” მაუწყებლობა თბილისს და რუსთავზე ვრცელდება.
რუსულ „ენ ტე ვე პლიუსი“ პოსტსაბჭოთა სივრცეში პირველი თანამგზავრული ტელევიზიაა, რომელიც დღეს 130 სხვადასხვა პროფილის არხს აერთიანებს.
Related Stories
