FINANCIAL – ის მიერ თბილისში გამოკითხული რესპოდენტების თქმით, როდესაც
ტელევიზორში რომელიმე არხზე რეკლამა იწყება, ისინი სხვა არხზე რთავენ.
გამოკითხულთა 30 % აცხადებს, რომ რეკლამებს თავიდან ბოლომდე უყრებენ,
ხოლო 15 % ამბობს, რომ ისინი რეკლამის დროს ტელევიზორს ხმას უწევენ.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
FINANCIAL – მა 18 დან 35 წლამდე ასაკის 100 ადამიანი გამოიკითხა, იმასთან დაკავშირებით თუ როგორ იქცევიან ისინი, როდესაც ტელევიზორს უყურებენ, კერძოდ კი როდესაც ეთერში რეკლამა გადის.
სამიზნე ჯგუფს სთხოვეს აეხსნათ, თუ რა ხდის რეკლამას დასამახსოვრებელს, როგორ მოქმედებს ის მათზე. გამოკითხულთა ნახევარზე მეტის თქმით, რეკლამას დასამახსოვრებელს მისი შინაარსი ხდის, ხოლო დანარჩენმა ნაწილმა თქვა, რომ მას დასამახსოვრებელს რეკლამის საუნდტრეკი, ცნობილი ადამიანის მონაწილეობა, ან გრაფიკა ხდის.
55 %– ის თქმით, მათთვის კრეტიულობა ხდის რეკლამას ყველაზე დასამახსოვრებელს, 35 % ამბობს, რომ რეკლამის ნახვის სიხშირე ზემოქმედებს მათზე.
„კვლევის შედეგები ნათელია და ისინი ადამიანის ხასიათს ძალიან კარგად გამოხატავენ. ნებისმიერმა მარკეტოლოგმა მომხმარებლის ხასიათი უნდა გაითვალისწინოს, სანამ რაიმე მარკეტინგულ ნაბიჯს გადადგამს,“ თქვა კავკასიის უნივერსიტეტის საზოგადოებასთან ურთიერთობისა და მარკეტინგის დირექტორმა თინათინ გუგბერიძემ.
„სატელევიზიო სივრცეში სარეკლამო ბლოკები იმდენად დიდია, განსაკუთრებით რეიტინგულ გადაცემებში, რომ შესაძლებელია ადამიანს დაავიწყდეს რას უყურებს,“ გვითხრა ტერრა მედიას აღმასრულებელმა დირექტორმა გივი ხაჭაპურიძემ.
„ამის დასტურია ის ფაქტიც, რომ ორი კვირის წინ, კომუნიკაციების ეროვნულმა კომისიამ ,,რუსთავი 2’’ და ,,იმედი’’ მაუწყებლობის შესახებ კანონის დარღვევაში დაადანაშაულა და თითოეული 2500 ლარით დააჯარიმა, რადგან რეკლამების და ტიხრების განთავსების ჯამური ოდენობა აღემატებოდა კანონით დადგენილ ნორმებს,“ აღნიშნა ხაჭაპურიძემ.
მაყურებელთა ყურადღების მისაპყრობად, მარკეტოლოგებმა მათ კრეატიული რეკლამა უნდა შესთავაზონ, რადგან სტანდარტული რეკლამები მათთვის საინტერესო აღარ არის. მათ უნდა გაითვალისწინონ ის იდეა, რომ მომხმარებლისათვის რეკლამა სექსუალური აქცენტით ძალიან საინტერესოა,“ გვითხრა გუგბერიძემ.
ხაჭაპურიძის აზრით, საინტერესო და მიმზიდველი რეკლამის შესაქმნელად პირველ რიგში კრეატიულობაა საჭირო.
„კრეატიულობა პირდაპირ კავშირშია პი არ-ის და მარკეტინგის ცოდნასთან და გამოცდილებასთან. თუმცა, ყველაზე მნიშვნელოვანი ამ პროცესში არის, სანამ მომხმარებლისთვის პროდუქტის შეთავაზება მოხდება რეკლამის საშუალებით, ფოკუს-ჯგუფები, ანუ ტესტირება, როგორც რეკლამის იდეის, ასევე კლიპის. ყველაზე მეტად დღეს საქართველოში ამის დამკვიდრებაა აუცილებელი. შესაძლებელია ამა თუ იმ კომპანიის შესაბამისი მენეჯერის ან ჯგუფის სარეკლამო კონცეფცია აღფრთოვანებულს ტოვებდეს ხელმძღვანელობას, მაგრამ ეს სუბიექტური აზრია. ბიზნესი სუბიექტური აზრით ვერ განვითარდება. მისი შეთავაზება საზოგადოებისათვის გასაგები უნდა იყოს და ამასთანავე ვიზუალურად მიმზიდველი, რათა რეკლამას, ჩვენს მედია სივრცეში, მაქსიმალური ეფექტი ქონდეს,“ ამბობს ხაჭაპურიძე.
გამოკითხული ტელემაყურებლების 35 % – ი აცხადებს, რომ მათ რეკლამის ნახვა მაქსიმუმ 10 – ჯერ შეუძლიათ. ხოლო 45 – მა პროცენტმა განაცხადა, რომ ისინი მაქსიმუმ 5 ჯერ უყურებენ რეკლამას. 10 % – ის თქმით, მათთვის რეკლამა მოსაბეზრებელია უკვე მეორეჯერ ნახვისას. 10 % – ი კი ამბობს, რომ თუ მათ რეკლამა მოეწონათ, შეუძლიათ 10– ჯერ და მეტჯერ უყურონ.
„სარეკლამო თეორიის თანამედროვე ავტორები თვლიან, რომ სარეკლამო სიხშირე აღარ არის ეფექტური ჩვენს რეალობაში, ვინაიდან ერთი ან ორი კონტაქტი ზრდის პოტენციურ მომხმარებელთა წილს 8%-ით. ამის და მიუხედავად, რეკლამის ტრანსლირების სიხშირე კვლავ რჩება ერთ-ერთ მნიშვნელოვან კომპონენტად სარეკლამო კამპანიის ეფექტურობისათვის,“ ამბობს ხაჭაპურიძე.
„ყველას ახსოვს ალბათ ,, საქართველოს ბანკი ს’’ სარეკლამო კლიპები ,,LOVE ბარათის’’ პრომოუშენისთვის. მსგავსი რეკლამები მოგვეპოვება ტელესივრცეში, რაც მისასალმებელია. ასეთი ტიპის სარეკლამო რგოლები წარმოქმნის ეფექტურ კონტაქტს და ის ყველაზე ნაკლებად არის გამაღიზიანებელი და მობეზრებადი. კვლევებიც ადასტურებს, რომ ერთი ან ორი კონტაქტი არის გადამწყვეტი იმისა, მომხმარებელი მიიღებს თუ არა პირველ რიგში - შეთავაზებულ სარეკლამო კლიპს და შემდგომ - პროდუქტს.,“ აღნიშნავს ხაჭაპურიძე.
„ საერთოდ, თუ მომხმარებლისათვის საინტერესოა ესა თუ ის რეკლმა, მაშ შეუძლია იგი მაქსიმუმ 5–7 ჯერ ნახოს. თუმცა, თუ რეკლამაში ცნობილი და სასიამოვნო გარეგნობის ადამიანები მონაწილეობენ, ამ შემთხვევაში შესაძლოა რომ მომხმარებელმა მას უფრო მეტჯერ უყუროს,“ გვითხრა გუგბერიძემ.
„არსებობს ისეთი სარეკლამო კლიპები, ძირითადად ადაპტირებული, რომლებიც საერთოდ მიუღებელია მომხმარებლისათვის. შეგნებულად არ დავასახელებ იმ ბრენდებს, რომლებსაც ზიანი მიადგა საზოგადოებისათვის მიუღებელი რეკლამის ეთერში გაშვებით. ჩვენი რეკლამის მონიტორინგის ანალიზზე დაყრდნობით შემიძლია გითხრათ, რომ ამ კომპანიებმა ძალიან მალევე ამოიღეს ბადიდან რეკლამა და სხვა სარეკლამო კლიპით ჩაანაცვლეს. ამ ტიპის შეცდომები კომპანიას უკვე ავალდებულებს წინა კამპანიის კონტრკამპანია აწარმოოს, რათა უარყოფითი ეფექტი გააქარწყლოს საზოგადოებაში. აქედან გამომდინარე შემიძლია ვთქვა, რომ კრეატიული, ვიზუალურად მისაღები და დატე სტილი რეკლამა თავის ეფექტს არ დაკარგავს,“ განაცხდა ხაჭაპურიძემ.
ოჰაიოში არსებული BIG კვლევის ფონდის მიერ ჩატარებული კვლევის თანახმად, ადამიანი ტელევიზორის ყურების დროს, განსაკუთრებით კი სატელევიზიო რეკლამის დროს, პარარაელურად უფრო მეტ საქმეს აკეთებს.
„განსაკუთებულად დაეცა ტელევიზორის ზემოქმედება ადამიანებზე, რომ შეიძინონ ესა თუ ის პროდუქცია, ხოლო სხვა მედია საშუალებების, კერძოდ ვებ რადიოს, სატელიტური რადიოს, ბლოგი ს პოპულარობა სულ უფრო იზრდება. მომხმარებელი ინფორმაციას უფრო ციფრულ პლატფორმებზე ეძებს,“ ამბობს BIG კვლევის ფონდის პრეზიდენტი გერი დრენიკი.
სხვა საინტერესო ფაქტები:
. სატელევიზიო რეკლამის დროს მაყურებელთა 41 % სხვა არხებზე რთავს.
. 33.5 % ოთახში მყოფ ადამიანებს ესაუბრება, ან ტელეფონზე ლაპარაკობს.
.30.2 % ხმას უწევს.
.5.5 % რეკლამას თავიდან ბოლომდე უყურებს.
Related Stories
