კომპანია IHS Screen Digest -ის მიერ ჩატარებული კვლევების მონაცემებით,
3D-ფორმატის კინო პოპულარობას დღითიდღე კარგავს და მისი მაყურებლების
რიცხვიც სულ უფრო მცირდება, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
2010 წელს, 3D -ფორმატით კინოთეატრებში ნაჩვენებმა რამდენიმე ფილმმა კრახი განიცადა. მაყურებელს სტერეოფილმებისადმი ინტერესი უქრება. „საშინელებათა ფილმებს ამ ფორმატიდან მეტი მოგების მიღება შეუძლია, მაგრამ პროდუქციის უმრავლესობა მაყურებლის იმედგაცრუებას იწვევს“, – აცხადებენ კომპანია BTIG -ის ანალიტიკოსები.
როცა ჰოლივუდის სტუდიებმა აქცენტი 3D -ტექნოლოგიებზე გადაიტანეს, შესაბამისად, ეს ბილეთების ფასებზეც აისახა. ამერიკის ქალაქებში, 2D-კინოსეანსების ბილეთების შეძენა მაყურებელს 13,5 დოლარი უჯდება: 3D -ფილმებზე შედარებით დოლარით მეტი, ხოლო IMAX 3D ფორმატში კი, 6 დოლარით მეტი. გარდა ამისა, მაყურებელი არც ამ ფორმატის ფილმების ხარისხითაა კმაყოფილი, განსაკუთრებით კი 3D -ფილმების. კონოთეატრების ეკრანებზე გადიდებული გამოსახულება კონტრასტს, ფერს და გამოსახულებას კარგავს.
ტეხასის ტექნიკური უნივერსიტეტის წარმომადგენლის, რობ ვეინერის დასკვნით, 3D ფორმატში უკვე უამრავი ფილმი გადაიღეს, მაგრამ მაყურებელი მათგან დაიღალა და მსგავსი ფორმატი შთაბეჭდილებას ვეღარ ახდენს.
მაგრამ ამ სფეროს კინოსტუდიები 3D -ზე მაინც დიდ იმედებს ამყარებენ და თვლიან, რომ მისი სწორი გამოყენება კინოსტუდიებისთვის ახალი ერის დაწყების დიდი პოტენციალია, ვინაიდან ადამიანები კინოთეატრებში ფილმის სიუჟეტის სანახავად აღარ დადიან, მათ მძაფრი შთაბეჭდილებები უფრო სჭირდებათ, ამბობს 3D -ანიმატორი, იასერ ჰამედი.
„ავატორის“ რეჟისორის, ჯეიმს ქემერონის აზრით, 3D არ გაქრება, პირიქით, მალე ყველა ფილმი ამ ფორმატში გავა, მაგრამ ცხადია, რომ მისი ტექნოლოგიის ხარისხი უნდა გაუმჯობესდეს, მთავარია, რომ მაყურებელმა უხარისხო 3D-ის ხარისხიანი ფორმატისგან გარჩევა ისწავლოს.
Related Stories
