რადიო კომერსანტის ცნობით, ახალ სმარტფონზე iPhone 4S-ზე წინასწარი შეკვეთების რიცხვმა Apple-ის
პროდუქტების ყველა წინა რეკორდი მოხსნა.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
წინასწარი შეკვეთების დაწყების
გამოცხადებიდან ერთი დღე-ღამის განმავლობაში მომხმარებლებმა მილიონი
ერთეული ასეთი მოწყობილობა დაუკვეთეს.
წინა რეკორდი - 24 საათის განმავლობაში 600 ათასი შეკვეთა - iPhone 4-ს ეკუთვნის. მონაცემებს თავად Apple-ი ავრცელებს.
წინასწარი შეკვეთები iPhone 4S-ზე 2011 წლის 7 ოქტომბერს დაიწყო. ამერიკის შეერთებულ შტატებში, ავსტრალიაში, კანადაში, საფრანგეთში, გერმანიასა და დიდ ბრიტანეთში ახალი მოწყობილობის გაყიდვები 14 ოქტომბერს დაიწყება. თვის ბოლოს კი ის კიდევ 22 ქვეყნის, ძირითადად ევროპულ ბაზრებზე გამოჩნდება. iPhone-ის განახლებული ვერსია Apple-მა 4 ოქტომბერს წარმოადგინა.
ანალიტიკოსები და კომპანიის თაყვანისმცემლები ელოდებოდნენ, რომ პრინციპულად ახალი მოდელი იქნებოდა წარმოდგენილი, თუმცა Apple-ი სმარტფონის მოდერნიზებით შემოიფარგლა. კერძოდ, ახალი მოწყობილობა ორბირთვიან პროცესორ A5-ზე მუშაობს, რომელიც 8-მეგაპიქსელიანი კამერითაა აღჭურვილი, შეიცავს ხმოვანი მართვის ტექნოლოგია Siri-სა და სერვის iCloud-ს.
ახალი მოდელის პრეზენტაციის მეორე დღეს Apple-ის დამფუძნებელი სტივ ჯობსი გარდაიცვალა. სმარტფონი iPhone 4S მის მიერ შექმნილი უკანასკნელი პროდუქტი აღმოჩნდა.
Related Stories
