მესამე კვარტალში სამხრეთ კორეულმა Samsung-მა სმარტფონების გაყიდვების მაჩვენებლით ამერიკულ Apple-ს გადაუსწრო და მსოფლიო ში პირველ ადგილზე გავიდა.

Email Print TwitterFacebookMySpace DelicousStumbleDigg More Destinations... ADVERTISEMENT This text is replaced by the Flash movie.

წაიკითხე სმარტფონში

რადიო კომერსანტის ცნობით, ამის შესახებ The Wall Street Journal-ი საკუთარ წყაროებზე დაყრდნობით წერს. გამოცემის მონაცემებით, მესამე კვარტალში Samsung-მა ბაზარს მინიმუმ 20 მილიონი სმარტფონი მიაწოდა, Apple-მა კი 17,07 მილიონის რეალიზაცია მოახდინა მოსალოდნელი 20 მილიონის ნაცვლად. ამ სეგმენტში მესამე ადგილზე Nokia-ა 16,8 მილიონი გაყიდული სმარტფონით.

Samsung-ი ამ ინფორმაციას ოფიციალურად არ ადასტურებს. მესამე კვარტლის ფინანსურ მოხსენებას კომპანია მომავალი კვირის დასაწყისში წარმოადგენს.

თუმცა ექსპერტები აღნიშნავენ, რომ Apple-მა საკუთარი სმარტფონების გარშემო მთელი იდეოლოგიის შექმნა შეძლო, რომელიც უახლოეს მომავალში მას საშუალებას მისცემს კონკურენტებთან შედარებით მაღალი მარჟა შეინარჩუნოს. მაგალითად, Samsung-ი თითოეული გაყიდული მოწყობილობიდან 13,7% მოგებას იღებს, Apple-ი კი სულ მცირე, ორჯერ მეტს.

Samsung-ი სმარტფონებს სამი საოპერაციო სისტემის, Android-ის, Windows Phone 7-ის და საკუთარ პლატფორმაზე bada-ზე აწარმოებს. ეს უკანასკნელი მან Google-თან თანამშრომლობით შექმნა.

კომპანია Samsung-ი Apple-თან საპატენტო ომს აწარმოებს, Apple-ი, თავის მხრივ, სამხრეთ კორეულ კონკურენტს iPhone-ისა და iPad-ის დიზაინის კოპირებაში ადანაშაულებს.

Related Stories

• ფეისბუკის აქციების ფასი დაეცა
• სილქნეტი მომხმარებლებს ორბარათიან მობილურ აპარატებს სთავაზობს
• „ალგორითმი“ პირველ ქართულ „All in one“-ს გამოუშვებს