ამერიკის შეერთებული შტატების საერთაშორისო ვაჭრობის კომისიამ შესაძლოა ქვეყანაში HTC-ის სმარტფონების რეალიზაცია აკრძალოს, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ასეთი მოთხოვნით მარეგულირებელს კომპანია Apple-მა მიმართა, რომელიც მიიჩნევს, რომ ტაივანური მწარმოებელი მის ტექნოლოგიას იპარავს.
მანამდე ამერიკული კორპორაცია ანალოგიური გადაწყვეტილების მიღებას Samsung-ის პლანშეტურ კომპიუტერთან დაკავშირებით ითხოვდა.
ვაშინგტონის სავაჭრო კომისია ოთხშაბათს გადაწყვეტს, არღვევს თუ არა HTC-ი Apple-ის პატენტებს. ამერიკულმა კორპორაციამ უკვე მიაღწია გარკვეულ წარმატებებს ტაივანურ კომპანიასთან საპატენტო ბრძოლაში. მიმდინარე წლის ზაფხულში კომისიის მოსამართლემ HTC-ის მიერ ორი პატენტის დარღვევაზე წინასწარი გადაწყვეტილება მიიღო. თუკი Apple-ი გაიმარჯვებს, კომისია აშშ-ში HTC-ის სმერტფონების იმპორტს აკრძალავს.
კომპანია Nielsen-ის მონაცემებით, ტაივანური HTC აშშ-ში სმარტფონების მწარმოებელ კომპანიებს შორის მესამე ადგილზეა.
„კონკურენტებმა უნდა შექმნან საკუთარი ტექნოლოგიები, და ჩვენი არ უნდა მოიპაროს,“ - განაცხადეს Apple-ში. თავის მხრივ, HTC-ი ამერიკულ კომპანიას საკუთარი ტექნოლოგიების ქურდობაში ადანაშაულებს, თუმცა მისი საპასუხო სარჩელები ნაკლებ ეფექტური აღმოჩნდა.ნოემბერში ამერიკის სავაჭრო კომისიამ დაადგინა, რომ Apple-ის არცერთი მოწყობილობა HTC-ის ტექნოლოგიებს არ არღვევს.
HTC-ი Apple-ს დელავერის სასამართლოშიც ედავება: სარჩელში ნათქვამია, რომ ამერიკული კომპანია ზღუდავს უფლებას იმ პატენტებზე, რომლებიც HTC-მა Google-ისგან იყიდა. საუბარია პროგრამული უზრუნველყოფის განახლებასა და დამატებების ჩატვირთვაზე. სავაჭრო კომისიის გადაწყვეტილება ერთ-ერთი მნიშვნელოვანი იქნება დავებში, რომლებიც Apple-ის მიერაა ინიცირებული.
სტივ ჯობსის კორპორაცია ამტკიცებს, რომ Android-ზე მომუშავე გაჯეტები მისი გამოგონებების კოპირებას ახდენს, რომლებსაც ის iPhone-ებსა და iPad-ებში იყენებს.მანამდე ამერიკულმა კორპორაციამ პრეტენზიები Samsung-ისა და Motorola-ს მიმართაც გამოთქვა. შედეგად, Samsung-ის პლანშეტების გაყიდვები მთელ რიგ ევროპულ ქვეყნებში დროებით აიკრძალა.
საპატენტო დავების სიმრავლე სმარტფონების ბაზრის ზრდის დიდი ტემპებითაა გამოწვეული. კომპანია Gartner-ის ინფორმაციით, მომავალ წელს სმარტფონების გაყიდვები მთელ მსოფლიო ში 645 მილიონ ერთეულს მიაღწევს, რაც 2011 წლის მაჩვენებელზე 40%-ით მეტია.
Related Stories
