ხვალიდან ქვეყნის ფიქსირებულ და მობილურ სატელეფონო ქსელებში მოქმედი
პრეფიქსი "8" ეროვნული "0"-ით და საერთაშორიოს "00"-ით შეიცვლება.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ამის შესახებ დღეს გამართულ პრესკონფერენციაზე ეკონომიკისა და მდგრადი განვითარების სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტის უფროსმა ირაკლი ქაშიბაძემ განაცხადა და აქვე განმარტა, რომ "ძველი და ახალი პრეფიქსებისა და ოპერატორების კოდების თანამოქმედება 2012 წლის 11 იანვრამდე იქნება უზრუნველყოფილი".
"ხვალიდან საქართველოს ელექტრონული საკომუნიკაციო ქსელების ნუმერაციის ეროვნული სისტემის დანერგვასთან დაკავშირებით კავშირგაბმულობის რეფორმის დასკვნითი, მე-4 ეტაპი შედის ძალაში, რაც იმას ნიშნავს, რომ საქალაქთაშორისო და საერთაშორისო სატელეფონო კავშირით მომსახურების უზრუნველმყოფი საოპერატორო კომპანიების 8XX ფორმატის კოდები ახალი - 10XX ფორმატის კოდებით შეიცვლება. მაგალითად, 8-07 10-07-ით შეიცვლება, 8-10 - 10-10-ით, 8-11 - 10-11 -ით, 8-16 - 10-16-ით და ა.შ.", - განაცხადა ქაშიბაძემ და დასძინა, რომ რეფორმის შედეგად საქართველო ნუმერაციის ევროპულ სტანდარტზე გადადის.
მისივე თქმით, ფიქსირებული და მობილური სატელეფონო ქსელების აბონენტების მიერ კავშირის დამყარების წესი უცვლელი რჩება, მხოლოდ - იმ განსხვავებით, რომ ფიქსირებული და მობილური სატელეფონო ქსელების აბონენტების მიერ ერთმანეთთან კავშირის დასამყარებლად პრეფიქსის "8" ნაცვლად, ეროვნული პრეფიქსი "0" უნდა აიკრიფოს და შემდეგ - გამოსაძახებელი აბონენტის ეროვნული ნომერი.
ამასთან, საქალაქთაშორისო კავშირის განსახორციელებლად საჭირო იქნება ეროვნული პრეფიქსის "0" შემდეგ გამოსაძახებელი ქალაქის კოდის და ამ ქალაქში გამოსაძახებელი აბონენტის ტელეფონის ნომრის, ან საოპერატორო კომპანიის არჩევის კოდის - 10XX, შემდეგ ეროვნული პრეფიქსის "0", გამოსაძახებელი ქალაქის კოდის და ამ ქალაქში გამოსაძახებელი აბონენტის ტელეფონის ნომრის აკრეფა.
საერთაშორისო კავშირის განსახორციელებლად კი საერთაშორისო პრეფიქსის "00" შემდეგ გამოსაძახებელი ქვეყნის კოდი, შემდეგ კი გამოსაძახებელი აბონენტის ეროვნული ნომერი ან საოპერატორო კომპანიის არჩევის კოდი 10XX, შემდეგ საერთაშორისო პრეფიქსი "00", შემდეგ გამოსაძახებელი ქვეყნის კოდი და გამოსაძახებელი აბონენტის ეროვნული ნომერი უნდა აიკრიფოს.
Related Stories
