„ მაგთი ს“ სატელიტური ტელევიზია მაუწყებლობას 23 იანვრიდან დაიწყებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
კომპანიაში დეტალებს ჯერჯერობით არ ახმაურებენ, თუმცა ცნობილია, რომ „ მაგთი სატი“ მომხმარებელს 90–ზე მეტ ციფრული ფორმატის ტელეარხს შესთავაზებს.
კომპანია პროექტში რამდენიმე მილიონის ინვესტიციას ჩადებს. მენეჯმენტის განმარტებით, ახალი ციფრული ტელევიზია, კონკურენტებისგან განსხვავებით, მაუწყებლობას სატელიტის მეშვეობით განახორციელებს. ამ სერვისით სარგებლობა მთელი საქართველოს მასშტაბით იქნება შესაძლებელი. „ მაგთი ს“ წარმომადგენლების განმარტებითვე, პროდუქტი ტექნოლოგიურად და ფუნქციების თვალსაზრისით ბაზარზე მოქმედი კომპანიებისგან განსხვავდება.
„სილქნეტში“ აცხადებენ, რომ „ მაგთი ს“ ტელევიზია მათი კონკურენტი არ არის. კომპანიის განმარტებით, „სილქტივის“ და „კავკასუსის“ ტელევიზიებს გადახვევის და პაუზის ფუნქცია აქვს, ხოლო „ მაგთი “ უბრალოდ სატელიტური არხების რეტრანსლირებას მოახდენს. მათივე თქმით, „სილქტივი“ მომხმარებელს წლის განმავლობაში ბევრ სიახლეს შესთავაზებს. მათ შორის მომხმარებელს საშუალება ექნება პროდუქტები ტელევიზიით გამოიწეროს.
Related Stories
