„პირველი რეალური windows phone-ის გამოშვებამ Nokia-ს გაყიდვების ზრდა ვერ მოუტანა, იუწყება რადიო კომერსანტი.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
ფინურმა კონცერნმა 2011 წლის მეოთხე კვარტალში 1,3 მილიარდი დოლარი დაკარგა და ერთი წლის წინანდელი 884 მილიონი ევროს მოგების შემდეგ 954 მილიონი ევროთი იზარალა.
Nokia-ს მაჩვენებლების შემცირება იმ ფონზე მოხდა, როდესაც მისმა კონკურენტმა Apple-მა რეკორდული შემოსავლების შესახებ განაცხადა. გასული წლის მეოთხე კვარტალში Nokia-ს მსოფლიო გაყიდვები 2010 წლის იგივე პერიოდთან შედარებით 21%-ით, 10 მილიარდ ევრომდე შემცირდა. სმარტფონების რეალიზაცია კი 31%-ით, 19,6 მილიონ ერთეულამდე დაეცა.
მთელი 2011 წლის მონაცემებით Nokia-ს მსოფლიო გაყიდვები 9%-ით, 38,7 მილიარდ ევრომდე შემცირდა. Nokia-ს მაჩვენებლების ვარდნა Apple-ის მიერ გამოცხადებული რეკორდული შემოსავლების ფონზე მოხდა.
ფინურ კომპანიას იმედი აქვს, რომ პლატფორმა Windows Phone-ი 2012 წელს მისი პროდუქციის რეალიზაციაზე დადებით გავლენას მოახდენს. აღნიშნულ პლატფორმაზე შექმნილი პირველი ორი მოწყობილობა - Nokia Lumia 800 და Nokia Lumia 710 კომპანიამ Microsoft-თან შეთანხმების გაფორმებიდან 6 თვეში გამოუშვა. ფინური კორპორაციის ხელმძღვანელობამ მიანიშნა, რომ ახლო მომავალში მათი პროდუქციის ხაზი შესაძლოა გასცდეს ტელეფონების ფარგლებს.
„პირველ პლანზე ციფრული ტექნოლოგიების ფართო გაგება გამოდის. თუ Microsoft-ის სტრატეგიას შეხედავთ, დაინახავთ მომხმარებლის მუდმივ ინტერესს პერსონა ლური კომპიუტერების, პლანშეტებისა და ტელეფონების მიმართ. ოპერატორებისთვის ესაა შესაძლებლობა, ჩაერთონ უფრო აქტიურ თამაშში,“ - განაცხადეს „ნოკიაში.“
ანალიტიკოსების აზრით, Nokia-ს აქვს უნარი ნაწილობრივ აღადგინოს საკუთარი წილი სმარტფონების ბაზარზე, რომელიც მან 2007 წელს პირველი iPhone-ის გამოსვლის შემდეგ დაკარგა. ექსპერტები ელოდებიან, რომ ერთ წელიწადში სმარტფონების ბაზარზე Nokia საკუთარი მონაწილეობის გაზრდას 6-ჯერ, 12,2%-მდე შეძლებს.
Related Stories
