კორპორაცია Sony-ს პრეზიდენტი და აღმასრულებელი დირექტორი, ამერიკელი
ჰოვარდ სტრინგერი საკუთარ პოსტს 2012 წლის პირველ აპრილს დატოვებს.
| | ADVERTISEMENT | This text is replaced by the Flash movie. |
|
|
| წაიკითხე სმარტფონში |  |
|
რადიო კომერსანტის ცნობით, ამის შესახებ კომპანიის პრეს-რელიზშია ნათქვამი. მას კაძოუ ხირაი შეცვლის, რომელიც სამომხმარებლო საქონლის განყოფილებას ხელმძღვანელობს.
სტრინგერი Sony-ს 2009 წლიდან მეთაურობს. ამ ორი წლის განმავლობაში მან შეძლო მენეჯერების ახალი გუნდის შექმნა, რომელშიც ხირაიც შედიოდა. ამერიკელი ტოპ-მენეჯერის მუშაობის ბოლო წელი კორპორაციისთვის წარუმატებელი აღმოჩნდა: სავარაუდოდ, 2011 წელს კომპანიის სუფთა წაგება 1,2 მილიარდ იენს მიაღწევს.
თუ პროგნოზი გამართლდა, გამოვა, რომ კომპანია უკვე მეოთხე წელია ზარალზე მუშაობს. Sony-ს პრობლემების მიზეზი მსოფლიო ეკონომიკის სუსტი ზრდა, ძლიერი იენა და გაყიდვების შემცირებაა. ყველაზე სერიოზული ზარალი ტელევიზორების წარმოების სექტორმა განიცადა. გარდა ამისა, 2011 წელს მონაცემთა გატეხვამ კომპანია აიძულა, დროებით შეეჩერებინა PlayStation Network-ისა და Qriocity-ს სერვისები, რომლებითაც მსოფლიო ში 100 მილიონზე მეტი ადამიანი სარგებლობს. ამ წარუმატებლობების შედეგად კომპანიის აქციები ბოლო 24 წლის განმავლობაში ყველაზე მკვეთრად გაიაფდა.
Related Stories
